Ուրբաթ, 02.12.2022, 01:12
Ողջունում ենք Ձեզ Հյուր | RSS

Ջուռնալ



Գլխավոր » 2011 » Օգոստոս » 19 » «Ֆիգարոն»՝ Արարատի մասին
22:06
«Ֆիգարոն»՝ Արարատի մասին
Արարատ
Անցած հանգստյան օրերին «Ֆիգարո»–ի մի քանի էջ նվիրված էր Արարատ լեռանը, որտեղ այն ներկայացվում է որպես պատմական Հայաստանի մասնիկ, բիբլիական լեռ։ «Իսկ ամսվա տասնյոթերորդ օրը Նոյյան տապանը կանգ է առնում Արարատ լեռան վրա։ Պատմական Հայաստանում, այժմյան արեւելյան Թուրքիայում, գտնվող Արարատ լեռն ունի 5137 մ բարձրություն։ Այն շարունակում է կախարդանք ներշնչել մարդկանց, մարդիկ այստեղ են որոնում Նոյյան տապանի մնացորդները»,—գրված է Արարատի երկէջանոց լուսանկարի բացատրությունում։ «Սա է Արարատի պարադոքսը. տեսնում ենք միայն նրան, նույնիսկ եթե նրան չենք տեսնում։ Արդեն մեկ շաբաթ է, որ նախկին հրաբուխն իր ամբողջ հմայքով մերկանում է մեր հայացքների ներքո, չնայած որ անհնար է տեսնել նրա մշտապես ամպերով ծածկված գագաթը»,—գրում է «Ֆիգարո»–ի թղթակից Ժան—Լուի Թրոմբլեն։ «Հայերը նրան Մասիս են անվանում, թուրքերն այն կոչում են ցավերի սար, իսկ պարսիկները՝ Նոյի լեռ»,—ավելացնում է նա։ Լրագրողը պատմում է լեռան աշխարհագրական դիրքի մասին, ներկայացնում Աստվածաշնչից հատվածներ Նոյյան տապանի վերաբերյալ։ Թերթն ամենուր քրիստոնեական խորհրդանիշեր է գտնում, խոսում է նաեւ Ուրարտական թագավորության, հայկական Վանա լճի եւ Աղթամարի Սբ Խաչ եկեղեցու մասին՝ վերջինիս վերանորոգմանը եւս անդրադառնալով։

Իսկ Արարատը նվաճելը, ըստ «Ֆիգարո»–ի, դժվար հասանելի, բայց շատերի կողմից ցանկալի նպատակ է։ Այստեղ խոսվում է լեռան գագաթ հասնելու, Նոյյան տապանի մնացորդներ գտնելու փորձեր կատարած համարձակների մասին։

Թերթը փորձ է կատարել ներկայացնելու լեռան նշանակությունն ու պատմական իրադարձությունները՝ սարին ազգություն չհաղորդելով։

Էլլադա ՂՈՒԿԱՍՅԱՆ
Փարիզ


Աղբյուր`http://akunq.net/am/?p=11711

Կատեգորիա: Իրադարձություններ | Դիտումներ: 936 | Ավելացրեց: admin | Տեգեր: Արարատ, Ֆիգարո | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Օգոստոս 2011  »
ԵրկԵրքՉրՀնգՈւրբՇբԿիր
1234567
891011121314
15161718192021
22232425262728
293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0