Գլխավոր » 2011 » Օգոստոս » 15 »
2012թ. ՅՈՒՆԵՍԿՕ-ի կողմից գրքի մայրաքաղաք հռչակված Երևանում գրքերի տեղը ներկայում փողոցն է
16:43
2012թ. ՅՈՒՆԵՍԿՕ-ի կողմից գրքի մայրաքաղաք հռչակված Երևանում գրքերի տեղը ներկայում փողոցն է
2012թ. Երևանը ՅՈՒՆԵՍԿՕ-ի կողմից հռչակվել է գրքի համաշխարհային մայրաքաղաք: Տարբեր ժամանակներում գրքի մայրաքաղաքներ են հռչակվել Մադրիդը, Ալեքսանդրիան, Թուրինը, Ամստերդամը, Լյուբլյանան, Բուենոս Այրեսը:
Երևանը 2012թ. կհռչակվի գրքի 12-րդ համաշխարհային մայրաքաղաք:
Ծրագրի մեկնարկը տրվելու է 2012թ. ապրիլի 23-ին` Գրքի և հեղինակային իրավունքի միջազգային օրը: Այդ օրը տեղի կունենա տիտղոսի հանդիսավոր փոխանցումը Երևանին՝ գրքի համաշխարհային ներկայիս մայրաքաղաք Բուենոս Այրեսից: Երևանն էլ իր հերթին հաջորդ տարվա նույն օրը այն կփոխանցի Բանգկոկին:
ՀՀ մշակույթի նախարարության հասարակայնության հետ կապերի բաժնի տեղեկացմամբ՝ երևանյան ծրագրում ներգրավվելու են գրքի կայացման բարդ շղթայի բոլոր մասնակիցները` գրողն ու թարգմանիչը, հրատարակիչը և գրավաճառը, գնողը, ընթերցողը և պահպանողը: Միջոցառման շրջանակում կազմակերպվելու են կոնֆերանսներ, կլոր սեղաններ և սեմինարներ:
Հատկանշական է, որ Երևանը գրքի մայրաքաղաք է հռչակվելու այն դեպքում, երբ մայրաքաղաքում ձեռքի մատների վրա կարող ենք հաշվել բոլոր գրախանութները: Գրախանութների մի մասը փակվեց ու վերածվեց կոշիկի, հագուստի սրահների, իսկ գրքերի մյուս մասը հանգրվանեց մութ ու խավար անցումներում ու Վերնիսաժում:
