Գլխավոր » 2011 » Հուլիս » 28 »
Ամեն ուրբաթ Երեւանի կենդանաբանական այգում բնապահպանական ֆիլմերի բացօթյա ցուցադրություն կկազմակերպվի
18:15
Ամեն ուրբաթ Երեւանի կենդանաբանական այգում բնապահպանական ֆիլմերի բացօթյա ցուցադրություն կկազմակերպվի
Երեւանի կենդանաբանական այգին «Արեւորդի» բնապահպանական միջազգային փառատոնի հետ համատեղ այսուհետ ամեն ուրբաթ` ժամը 21:30-ին, հրավիրում է բնապահպանական ֆիլմերի բացօթյա ցուցադրության:
Կենդանաբանական այգուց NEWS.am-ին հայտնում են, որ կինոդիտումները կանցկացվեն այգու` բացօթյա ցուցադրությունների համար նախատեսված նորաստեղծ տարածքում: Մասնակիցները հնարավորություն կունենան ոչ միայն դիտելու ֆիլմը, այլ նաեւ մասնակցելու ֆիլմին հաջորդող թեմատիկ քննարկումներին:
Ցանկացողները կարող են այգի գալ մետրոյի «Երիտասարդական» կանգառից` կինոդիտման մասնակիցների համար նախատեսված հատուկ ավտոբուսով: Ավտոբուսը կշարժվի ժամը 21:00-ին:
Առաջիկա ուրբաթ օրերին կցուցադրվեն հետեւյալ ֆիլմերը.
հուլիսի 29-«Գիշատիչների դրախտը», օգոստոսի 5-«Տիբեթյան հետք», oգոստոսի 12-«Ալպերի իշխանը»: