Ուրբաթ, 09.12.2022, 19:19
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հուլիս » 16 » Ամփոփվում է հոգևոր երաժշտության երկամյա համերգաշարը
19:22
Ամփոփվում է հոգևոր երաժշտության երկամյա համերգաշարը
Դանիել Երաժիշտ
Այսօր ամփոփվում է հոգևոր երաժշտության երկամյա համերգաշարը, որը նախաձեռնել է Հոգևոր երաժշտության կենտրոնը։ Այս մասին լրագրողներին տեղեկացրեց 1998թ. Ստեփան Լուսիկյանի հիմնադրած «Շարական» անսամբլի գեղարվեստական ղեկավար և դիրիժոր Դանիել Երաժիշտը՝ նշելով. «Սա միայն համերգ չէ, այլ աղոթք է ամբողջ հայ ժողովրդի անունից»։ Համերգաշարում ներկայացվել է Կոմիտասից մինչև Երվանդ Երկանյան՝ ամբողջ հոգևոր կուլտուրան՝ «Մաշտոցը մոնոդիկ, ինչպես հնչել է միջնադարում, և մշակմամբ, հնի և նորի համադրմամբ և համաշխարհային երաժշտության հենասյուների հետ կողք-կողքի», ինչպես նաև դասական երաժշտության համաշխարհային մասշտաբի կոմպոզիտորների ստեղծագործություններ։

«Մեր խնդիրն այն է, որ մեր հոգևոր մշակույթը՝ իր ընդգրկումներով համաշխարհային չափանիշներով բարձրարվեստ երաժշտությունը, չընկալվի որպես առանձնացված, մի տեսակ գավառականացված»,- նշեց «Հոգևոր երաժշտության կենտրոն»-ի տնօրեն Մհեր Նավոյանը։

«Երբեք մշակութային այսքան մեծ պայթյուն չի եղել,- ասաց Դանիել Երաժիշտը,- փառատոնը փառատոնի հետևից, համերգներ, միջոցառումներ, սակայն նյութաշխարհի պատճառով մեծ շեղում կա՝ խախտված է կապը բարձր արվեստի ու ցածր կյանքի միջև։ Եթե ուզում են բարձր արվեստը կյանքն ազնվացնի, պիտի այդ կապը ստեղծեն»։

Ըստ բանախոսների՝ «Շարական» համույթի և Հոգևոր երաժշտության կենտրոնի այս նախաձեռնությունը նպատակ ունի վերականգնել հենց այդ կապը։ «Այսօր առավել քան երբևէ մեր ժողովրդին պետք է հոգևոր երաժշտություն»,- ասաց Դանիել Երաժիշտը։

Հոգևոր համերգաշարի շրջանակում «Շարական» անսամբլը հայ հոգևոր երաժշտությամբ հանդես է եկել Գյումրիում և Երևանում, Վիեննայում, Հոլանդիայում, Սլովենիայի Լյուբլիանա մայրաքաղաքում, այլուր՝ ներկայացնելով հայ հոգևոր երաժշտությունը։

«Ասում են, ուր Կոմիտասը գնում է, հաղթում ու վերադառնում է, հաղթում է մեր բոլորի փոխարեն, մեր բոլորի համար,- ասաց Նավոյանը,- բայց առավել ճիշտ է, որ ուր որ Կոմիտասը գնում է, հաղթում ու մնում է, մնում է իր բոլոր ունկնդիրների սրտերում»։


Աղբյուր`http://www.tert.am/am/news/2011/07/15/navoyan/

Կատեգորիա: Ծլնգոցից մինչև զրնգոց | Դիտումներ: 634 | Ավելացրեց: admin | Տեգեր: Դանիել Երաժիշտ, Հոգևոր երաժշտության կենտրոն | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հուլիս 2011  »
ԵրկԵրքՉրՀնգՈւրբՇբԿիր
    123
45678910
11121314151617
18192021222324
25262728293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0