Գլխավոր » 2011 » Օգոստոս » 11 »
«Առավոտ». Ֆլորա Մարտիրոսյանի հետ իբր պիտի զուգերգով հանդես գար ՀՀ առաջին տիկին Ռիտա Սարգսյանը
11:45
«Առավոտ». Ֆլորա Մարտիրոսյանի հետ իբր պիտի զուգերգով հանդես գար ՀՀ առաջին տիկին Ռիտա Սարգսյանը
Հուլիսի 28-ին կայացած Ֆլորա Մարտիրոսյանի մենահամերգից առաջ մի աննկարագերլի աժիոտաժ էր: Հանդիսատեսը սպասում էր անակնկալի, ինչի մասին խոսում էին բոլորը: Անակնկալն այն էր լինելու, որ Ֆլորա Մարտիրոսյանի հետ իբր պիտի զուգերգով հանդես գար ՀՀ առաջին տիկին` կրթությամբ երաժիշտ, դաշնակահար Ռիտա Սարգսյանը: Սակայն երաժշտական սենսացիան չկայացավ:
«Առավոտ»-ը կապվել է Ֆլորա Մարտիրոսյանի հետ: Երգչուհու փոխանցմամբ, նման բան նախատեսված չի եղել, իսկ ՀՀ առաջին տիկնոջ հետ զուգերգով հանդես գալու լուրերը, հավանաբար, տարածվել են համերգներից մեկում իր կողմից հնչեցված այն խոսքերից հետո, թե տիկին Սարգսյանը օժտված է ականջ շոյող, հիանալի թավշյա սոպրանոյով եւ, որ ամենակարեւորն է, երգի մեջ հոգի է դնում: «Եթե տիկին Սարգսյանը ցանկություն հայտնի ինձ հետ հանդես գալ, միայն ուրախ կլինեմ»,- նշեց երգչուհին` հավելելով, որ առաջին տիկինը բազմաթիվ պրոֆեսիոնալ երգչուհիներից լավ է երգում:
