Հինգշաբթի, 08.12.2022, 21:14
Ողջունում ենք Ձեզ Հյուր | RSS

Ջուռնալ



Գլխավոր » 2011 » Օգոստոս » 25 » «Արմենիա» առագաստանավի անձնակազմի ճանապարհորդական պարզաբանումները
02:34
«Արմենիա» առագաստանավի անձնակազմի ճանապարհորդական պարզաբանումները
Արմենիա
23 երկիր, երկու հասարակած, 42 հազար մղոն, որը մոտ 82 հազար կմ է: Այսքան ճանապարհ է անցել առաջին աշխարհաշուրջը կատարած «Արմենիա» նավը, որն իր շուրջերկրյա ճամփորդությունը սկսել է 2009թ. մայիսի 28-ին՝ Վալենսիա քաղաքից: Այսօր լրագրողների հետ հանդիպմանն այս մասին ասաց «Արմենիա»-ի նավապետ Սամվել Կարապետյանը: Էքսպեդիցիայի ղեկավար Զորի Բալայանն իր հերթին ճանապարհորդությունն անվանեց ծովից ծով՝ նշելով, որ այդ ձևակերպումը չափազանցված չէ: Նրա խոսքով՝ «Արմենիա» առագաստանավը ճանապարհորդությունն ավարտել է այս տարվա օգոստոսի հինգին գիշերվա ժամը երկուսին, երբ առագաստանավը Կարմիր ծովից Սուեզի ջրանցքով մտել է Միջերկրական ծով, որտեղից էլ սկսվել է ճանապարհորդությունը:

«Շուրջերկրյա ճանապարհորդությունը յուրաքանչյուր երկրի, յուրաքանչյուր ժողովրդի համար մի կողմից երևույթ է, մյուս կողմից՝ երազանք»,- հայտարարեց Բալայանը՝ նշելով, որ շուրջերկրյա ճանապարհորդություն կատարելը երազանք է դեռևս սկսած Մագելանից, որը կատարեց առաջին այդպիսի ճանապարհորդությունը: «Արմենիա» նավով ճամփորդելու գաղափարը, Բալայանի ներկայացմամբ, ծագել է 2005թ. Ջիբրալթարում, երբ առաջին անգամ հայկական «Կիլիկիա» նավով դուրս է եկել Ատլանտյան օվկիանոս: «Այդտեղ էր Սերժ Սարգսյանը, որին խնդրեցինք սեփական ձեռքով քարտեզի վրա գծել այն երթուղին, որով կցանկանար՝ մենք անցնեինք.... կար պատմական նպատակ՝ անցնել երեք օվկիանոսներով, հինգ մայրցամաքներով և Սփյուռքի գաղթօջախներով»,- հիշեց Զորի Բալայանը:

Նավարկության ժամանակ հանդիպած փորձություններից նա առանձնացրեց հանրահայտ Հորն հրվանդանը հատելու գործընթացը: Բալայանը հատուկ շեշտեց, որ Հորն հրվանդանը հատողները համարվել են էլիտար ծովայիններ, այդ բարդ հրվանդանում են խորտակվել բազմաթիվ նավեր, զոհվել բազմաթիվ ծովայիններ:

Նավի կապիտան Սամվել Կարապետյանի խոսքով՝ ճամփորդությունը նախ սպորտային նվաճում է Հայաստանի համար: «Սա հայ պատմության համար առաջին աշխարհաշուրջն է, որը բարեհաջող ավարտվեց»,- ասաց նա՝ ավելացնելով, որև ճամփորդության պատմական իմաստն այն է, որ իրենք նավարկելիս այցելել են աշխարհով սփռված հայությանն ու նրանց կառուցած եկեղեցիները: Նավարկությունն, ըստ նրա, բիզնեսի առումով էլ գրավչություն ունի՝ տարբեր երկրներում ստեղծված կապերը կարող են նպաստել, որ Հայաստանում ներդրումներ արվեն: «Շատերն են զարմացել, Հայաստանը ծով չունի, բայց նավ ունի»,- իրենց հանդիպած մարդկանց զարմանքի մասին նշեց նավի կապիտանը:

Ջիբրալթարում նրանք խաչ են տեղադրել՝ ի հիշատակ աշխարհի բոլոր անմեղ զոհերի: Խաչի վրա գրված է, որ այն տեղադրվել է «Արմենիա» առագաստանավի անձնակազմի կողմից՝ ի հիշատակ երկրագնդի բոլոր անմեղ զոհերի:Նավի բոցման Մուշեղ Բարսեղյանը նշեց, որ եթե մի քիչ հնարավորություն լինի, իրենք ցանկություն ունեն շարունակելու ճամփորդությունը: Այս ճամփորդության մասին Զորի Բալայանը պատրաստվում է հերթական հատորը կազմել: Անձնակազմը ճամփորդության մասին նաև ֆիլմ կներկայացնի: Այս մասին տեղեկացնում է tert.am լրատվական կայքը:


Աղբյուր`http://www.zham.am/index.php?lid=am&pageName=evayln&id=851018450

Կատեգորիա: Այլ | Դիտումներ: 1064 | Ավելացրեց: admin | Տեգեր: Սամվել Կարապետյան, «Արմենիա» առագաստանավ, Զորի Բալայան | Ռեյտինգ: 0.0/0
Ընդամենը մեկնաբանություններ: 1
0  
1 Ahmad   (29.07.2013 16:08) [Նյութ]
Hey, that's the gresetat! So with ll this brain power AWHFY?

Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Օգոստոս 2011  »
ԵրկԵրքՉրՀնգՈւրբՇբԿիր
1234567
891011121314
15161718192021
22232425262728
293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0