«Արտ Ֆեստը»   ըստ էության  մշակութային միամսյակ հայտարարեց: Մայիսի 11-ից հունիսն 11-ը Երևանում սպասվում է իսկական մշակութային տոն, որը արդեն հասցրել է գրավել մշակութային գործիչների, երիտասարդ ստեղծագործողների ուշադրությունը: 

Խոսելով «Արտ ֆեստ» երիտասարդական հանրապետական երրորդ բաց փառատոնի նպատակների և այս տարի փառատոնում տեղ գտած փոփոխությունների մասին փառատոնի պրոդյուսեր Նարեկ Արշակյանը նշեց.

««Արտ Ֆեստը»   օգնում է երիտասարդ, դեռևս  իրենց կայացման , և կարծում եմ կյանքի ամենակարևոր փուլում գտնվեղ երիտասարդ ստեղծագործողներին ինքնադրսևորվելու, արվեստի հանդեպ ունեցած մոտեցումներն արտահայտելու, կայանալու, ինչու չէ  նաև ծանոթանալու իրենց հասակակից  ստեղծագործողների և նրանց  աշխատանքների հետ:  Վստահ եմ, որ «Արտ Ֆեստը»  իր  անմիջական դրական ազդեցությունը կունենա յուրաքանչյուր մասնակցի ստեղծագործական ուղղու վրա, որովհետև շատերի  ճանապարհը  սկսվում է հենց «Արտ ֆեստ»-ից:                                              

Այս տարի փառատոնն իր մեջ ընդգրկեց նաև երգարվեստը, դիզայն և դեկորատիվ կիրառական արվեստը, միանալով թատերական արվեստին, կինոարվեստին և կերպարվեստին: Մասնակիցների քանակը եթե համեմատելու լինենք  Արտ ֆեստ 2014-ի հետ, մոտ երկու անգամ ավելացել է, և կարծում եմ դա մեծ ձեռքբերում է, սա խոսում է այն մասին որ  «Արտ ֆեստը»  երիտասարդների համար սպասված, սիրված և պահանջված փառատոն է: Նշեմ նաև, որ այս տարի փառատոնին մասնակցելու վերաբերյալ  բազմաթիվ արձագանքներ կան արտերկրի մեր երիտասարդ հայրենակիցների կողմից: Այդ փաստը մտորելու առիթ է տալիս` ապագայում Արտ Ֆեստի համար համահայկական մշակութային փառատոնի ձևաչափ  մշակել, որտեղ յուրաքանչյուր  հայ  երիտասարդ    ստեղծագործող կունենա իր հայրենիքում  ինքնաարտահայտվելու հարթակ»:

ԱՐՏ ՖԵՍՏ  երիտասարդական հանրապետական  երրորդ  բաց փառատոնի մամուլի և հասարակայնության հետ կապերի բաժին (Հեռ.` 055-67-12-77)

Աղբյուր` Jurnal.am