Գլխավոր » 2011 » Հուլիս » 8 »
Աշոտ Գրիգորյանը ԵՀՄՖ-ի անունից շնորհավորել է թավջութակահար Նարեկ Հախնազարյանին Չայկովսկու անվան մրցույթում առաջին տեղը գրավելու կապակցությամ
20:55
Աշոտ Գրիգորյանը ԵՀՄՖ-ի անունից շնորհավորել է թավջութակահար Նարեկ Հախնազարյանին Չայկովսկու անվան մրցույթում առաջին տեղը գրավելու կապակցությամ
Եվրոպայի Հայկական Միությունների Ֆորումի (ԵՀՄՖ) նախագահ Աշոտ Գրիգորյանը ԵՀՄՖ-ի անունից շնորհավորել է հայ թավջութակահար Նարեկ Հախնազարյանին Չայկովսկու անվան մրցույթում առաջին տեղը գրավելու կապակցությամբ:
«Նարեկ Հախնազարյանն այսօր արդեն աշխարհահռչակ ջութակահար, «Եղիսաբեթ երկրորդ թագուհու» մրցույթի հաղթող Սերգեյ Խաչատրյանի հետ միասին հանդիսանում են համաշխարհային կատարողական արվեստի գագաթում հայտնված հայ ազգի այն երաժիշտները, որոնցով կարող է հպարտանալ ողջ աշխարհասփյուռ հայությունը: Հայ ստեղծագործ ազգը վերջին հարյուրամյակում աշխարհին տվել է մի շարք հանճարներ, որոնց անունները սակայն ավելի շատ հայտնի են եղել մեզ եւ ցավալիորեն ըստ արժանավույնս հայտնի չեն դարձել այլոց համար: Այս երկու երիտասարդները ճեղքելով եւ անցնելով բոլոր խոչընդոտները, չնայած իրենց երիտասարդ տարիքին, արդեն դարձել են անուններ, որոնց առջեւ բացվում են համաշխարհային բոլոր համերգասրահների դռները: Հայաստանի մշակույթի պատասխանատուները եւ համասփյուռ հայության հայ մշակույթով հետաքրքրված անձիք պետք է օգտվեն այս հնարավորություններից` առավել լայն ներկայացնելու ողջ աշխարհին մեր մշակույթը: Պետք է հասկանալ, որ վերոհիշյալ մրցույթները եւ նրանց հաղթողներ անհամեմատելի մեծություններ են էժանագին ու ծիծաղելի շոուներ ներկայացնող այնպիսի մրցույթների կողքին, ինչպիսին ասենք «Եվրատեսիլն» է, որում տարած հաղթանակը գլխապտույտ է առաջացրել մեր հարեւանի մոտ: ԵՀՄՖ-ը դիմում է համաշխարհային հայկական բոլոր կազմակերպություններին առաջարկով. միավորենք մեր ուժերը պրոպագանդելու համար համաշխարհային անուն հանած մեր երաժիշտներին` չխնայելով նրանց գովազդի վրա ոչինչ: Մենք պետք է կարողանանք նրանց անունները մեծարել հայկական եւ ոչ հայկական մեդիայով ու գովազդի այլ միջոցներով, ինչպես նաեւ կազմակերպենք հատուկ միջոցառումներ` ներգրավելով նրանց: Պետք է անընդհատ հիշել, որ հայ ազգի հազարամյակներ անցնելու եւ կայուն մնալու երաշխիքներն եղել են մեր հավատն ու մշակույթն, իսկ մեր համաշխահային այցետոմսը մշտապես հանդիսացել են մեր խոշոր մշակույթային գործիչները»,- ասված է ԵՀՄՖ-ի մամլո քարտուղարության հուլիսի 7-ի հաղորդագրությունում։
