Գլխավոր » 2011 » Հուլիս » 28 »
Բարեգործական համերգ՝ հանուն հիվանդի կյանքի փրկության
18:17
Բարեգործական համերգ՝ հանուն հիվանդի կյանքի փրկության
Հուլիսի 29-ին ժամը 19:00-ին Կոմպոզիտորների տան համերգասրահում տեղի կունենա բարեգործական համերգ: Ծրագրում կհնչեն հայկական ժողովրդական ու դասական հայկական երաժշտություն, ինչպես նաև հանրամատչելի ու գուսանական երաժշտություն:
Համերգի ընթացքում հնչելու է Կոմիտաս, Առնո Բաբաջանյան,Սայաթ Նովա և ժողովրդական երգերի կատարումներ: Համերգի ողջ հասույթը փոխանցվելու է «Մամասյու» բարեգործական ֆոնդին:
Համերգի մասին տեղեկատվությունը տարածվել է Facebook սոցիալական ցանցում բացված խմբի միջոցով:
Բարեգործական համերգից ստացված գումարով համերգի նախաձեռնողները պատրաստվում են գնել «Հերցեպտին» թանկարժեք դեղամիջոցը, որն անհրաժեշտ է կրծքագեղձի չարորակ ուռուցքով տառապող մի կնոջ բուժման համար: Խմբում զետեղված տեղեկատվության համաձայն՝ դեղորայքի մի սրվակի արժեքն է 3000 ԱՄՆ դոլար:
Կազմակերպիչները կոչ են անում մեր հայրենակիցներին՝ մասնակցել բարեգործական համերգին, ինչպես նաև հնարավորության դեպքում գումար փոխանցել բարեգործական ֆոնդին: