Գլխավոր » 2011 » Հուլիս » 22 »
Չգիտեմ, թե ինչ ճակատագիր կունենա պարիսպը. Սամվել Կարապետյան
18:05
Չգիտեմ, թե ինչ ճակատագիր կունենա պարիսպը. Սամվել Կարապետյան
Հայտնի դարձավ, որ Լեռնային Ղարաբաղի Վանք գյուղում ավարտվել են 13-րդ դարի Գանձասարի վանական համալիրի պարսպի սալիկապատման աշխատանքները։ Պարսպի սալիկապատումն իրականացվել է մոսկվաբնակ գործարար Լևոն Հայրապետյանի նախաձեռնությամբ ու միջոցներով:
Չնայած Լեռնային Ղարաբաղի պետական լիազորված մարմնի զգուշացումներին, մասնագետների բողոքներին, հասարակական մի շարք նախաձեռնություններին, շինարարությունը շարունակվեց:
Հուշարձանագետ, հայկական ճարտարապետությունն ուսումնասիրող կազմակերպության ղեկավար Սամվել Կարապետյանն «Առաջին լրատվականի» հետ զրույցում ասաց, թե չգիտեր պարսպի սալիկապատման աշխատանքների շարունակման մասին։
Նա տարակուսանք հայտնեց դրա կապակցությամբ, քանի որ, ըստ հուշարձանագետի, պարսպի սալիկապատման աշխատանքների դադարեցման համար կար անգամ նախագահ Սերժ Սարգսյանի համապատասխան կարգադրությունը։
«Չգիտեմ, թե ինչ ճակատագիր կունենա պարիսպը։ Ամեն դեպքում սխալ գործ են կատարել։ Սխալ գործ այնքան շատ է կատարվում, որ մնում են, չեն քանդվում։ ուրեմն՝ ենթադրում եմ, որ կմնա, չի քանդվի։ Աջ ու ձախ տեսնում ենք սխալ գործեր»,- ափսոսանքով ասաց Ս.Կարապետյանը։
