Գլխավոր » 2011 » Ապրիլ » 28 »
«Էրեբունի» պատմահնագիտական արգելոց-թանգարանը կմասնակցի «Թանգարանների եվրոպական գիշերվան»
02:01
«Էրեբունի» պատմահնագիտական արգելոց-թանգարանը կմասնակցի «Թանգարանների եվրոպական գիշերվան»
«Էրեբունի» պատմահնագիտական արգելոց-թանգարանը մայիսի 14-ին արդեն 7-րդ անգամ կկանգնի եվրոպական մեծ ու փոքր թանգարանների կողքին եւ կդառնա «Թանգարանների եվրոպական գիշերվա» մասնակից` ներկայացնելով «Առաջին Էրեբունի-Երեւանը. Ռետրոսպեկտիվ» միջոցառումը:
Թանգարանների միջազգային օրվան ընդառաջ` «Էրեբունի» արգելոց-թանգարանը մասնակցում է նաեւ «Մեկ ցուցանմուշ, մեկ պատմություն» էլեկտրոնային ինտերակտիվ ցուցահանդեսին` ինտերնետի միլիոնավոր այցելուների ներկայացնելով 1959թ. Էրեբունի միջնաբերդից հայտնաբերված «Նժույգը որսից հետո» որմնանկարը:
Միջոցառումը նախատեսում է հանդիպում 1-ին Էրեբունի-Երեւանի կազմակերպիչների հետ: Երեկոյին իր մասնակցությունը կբերի Հայաստանի ակադեմիական երգչախումբը, որի կատարմամբ թանգարանի առջեւի հարթակում կհնչի Երեւանի հիմնը` «Երեւան Էրեբունին»:
Միջոցառման նպատակն է արգելոց-թանգարանի գիշերային այցելուներին փոխանցել 1968-ի հոկտեմբերյան Երեւանի տոնական շունչը, նաեւ հազարամյակների խորքից եկող Երեւանի ուղերձը. լինել հնամենի քաղաքի բնակիչ, ավելի հին հավերժական քաղաք Հռոմից, չի նշանակում միայն ապրել այդ քաղաքում: Դա նշանակում է նաեւ լինել սեփական քաղաքի պատմության մեկնաբանը եւ այդ պատմության կերտման նորօրյա մասնակիցը: Միջոցառումը կներկայացնի արխիվային փաստաթղթերի, լուսանկարների, կինոժապավենների, պարբերական մամուլի նյութերի եւ հուշերի վրա խարսխված տեսաշար` ռետրոսպեկտիվ դեպի Էրեբունի-Երեւանի 1-ին տոնը:
«Էրեբունի» պատմահնագիտական արգելոց-թանգարանը մայիսի 14-ին արդեն 7-րդ անգամ կկանգնի եվրոպական մեծ ու փոքր թանգարանների կողքին եւ կդառնա «Թանգարանների եվրոպական գիշերվա» մասնակից` ներկայացնելով «Առաջին Էրեբունի-Երեւանը. Ռետրոսպեկտիվ» միջոցառումը: