ՀՀ կառավարությունն ուրբաթ որոշում է կայացրել Երևանի «Մատենադարան» հին ձեռագրերի ինստիտուտի նոր մասնաշենքի շինարարությունն ավարտելու համար 89,4 մլն դրամ (շուրջ 238 հազար դոլար) հատկացնելու վերաբերյալ:
11 հազար քառակուսի մետր տարածքով նոր մասնաշենքի շինարարությունը ծրագրվում է ավարտել աշնանը՝ Հայաստանի անկախության 20-ամյակի կապակցությամբ (նշվում է սեպտեմբերի 21-ին): Շինարարության գործում ներդրվել է ավելի քան 11 մլն դոլար, որից 7 մլն դոլարը հատկացրել է հայկական ծագումով ռուսաստանցի գործարար Սամվել Համբարձումյանը:
Ինչպես ավելի վաղ նշել էր Մատենադարանի տնօրեն Հրաչյա Թամրազյանը, նոր մասնաշենքի շինարարությունը մեծ ծրագրի առաջին փուլն է: Երկրորդ փուլում ծրագրվում է վերակառուցել Մատենադարանի հիմնական շենքը, ինչը թույլ կտա հինգ անգամ մեծացնել ցուցադրությունների դահլիճը:
Մատենադարանը հիմնադրվել է 1957թ.-ին։ Այնտեղ պահվում են շուրջ 17 հազ. ձեռագրեր՝ պատմության, աշխարհագրության, քերականության, փիլիսոփայության, իրավունքի, բժշկության վերաբերյալ՝ հայերեն, արաբերեն, պարսկերեն, հունարեն, ասորերեն, լատիներեն, եթովպերեն, հնդկերեն, ճապոներեն և այլ լեզուներով։
Աղբյուր`http://ar.newsarmenia.ru/arm1/20110617/42475523.html
|