Ուրբաթ, 02.12.2022, 01:10
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հունիս » 21 » Երևանի «Նաիրի» կինոթատրոնը կվերսկսի ֆիլմերի ցուցադրությունը սեպտեմբերից
21:16
Երևանի «Նաիրի» կինոթատրոնը կվերսկսի ֆիլմերի ցուցադրությունը սեպտեմբերից
«Նաիրի» կինոթատրոն
Երևանի «Նաիրի» կինոթատրոնում ֆիլմերի ցուցադրությունը կարող է վերսկսվել սեպտեմբերին, «Նովոստի-Արմենիա» գործակալությանը հայտնեց Հայաստանի ազգային կինոկենտրոնի մամուլի քարտուղար Ռուզան Բագրատունյանը։

Մայրաքաղաքի ամենահին «Նաիրի» կինոթատրոնը մի քանի ամիս առաջ նոր սեփականատիրոջ է վաճառվել և դադարել է գործել, սակայն օրերս կինոկենտրոնի տնօրեն Գևորգ Գևորգյանը հայտնել է, որ Ազգային կինոկենտրոնը մտադիր է կինոթատրոնի ղեկավարության հետ պայմանագիր ստորագրել կինոդահլիճի անվճար տրամադրման մասին, ինչը թույլ կտա, որ կինոթատրոնը մասամբ գործի։

«Կրթության և գիտության նախարարության հետ արդեն պայմանավորվածություն է ձեռք բերվել ցուցադրության հարցում ֆինանսական աջակցություն ցուցաբերելու վերաբերյալ, և այսօր մենք վերջնականապես կհստակեցնենք այդ հարցը Երևանի քաղաքապետարանի հետ։ Նախնական պայմանավորվածությունն արդեն ձեռք է բերվել»,- ասաց Բագրատունյանը։

Նա նշեց նաև, որ ներկայում կինոկենտրոնը պատրաստում է կինոցուցադրությունների փաթեթ, որը բաղկացած կլինի երեք բաժնից՝ մանկական (դպրոցական) ծրագրեր, հայկական ժամանակակից ֆիլմեր և արտասահմանյան կինո։

Բացի այդ, Բագրատունյանի խոսքով, ծրագրվում է նաև դպրոցականների համար կինոթատրոնի հաճախման բաժանորդագրում ստեղծել։

«Նաիրի» կինոթատրոնը Երևանի ամենահին կինոթատրոնն է, 1920-1950 թվականներին գտնվել է Ամիրյան փողոցում, որտեղ այժմ Հայաստանի ԱԳՆ-ի շենքն է։ Այստեղ է ցուցադրվել առաջին հայկական ֆիլմը՝ «Զարեհը»։ 1952 թվականին կինոթատրոնը տեղափոխվել է Մաշտոցի պողոտայի և Իսահակյան փողոցի խաչմերուկում գտնվող նոր շենք, որտեղ և գործում էր մինչև վերջին ժամանակները։


Աղբյուր`http://ar.newsarmenia.ru/culture/20110620/42476662.html

Կատեգորիա: Կինո | Դիտումներ: 874 | Ավելացրեց: admin | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հունիս 2011  »
ԵրկԵրքՉրՀնգՈւրբՇբԿիր
  12345
6789101112
13141516171819
20212223242526
27282930

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0