Գլխավոր » 2011 » Հուլիս » 16 » Երևանի քաղաքապետը հանդիպել է Իտալիայից Երևան ժամանած արվեստագետներին

18:45 Երևանի քաղաքապետը հանդիպել է Իտալիայից Երևան ժամանած արվեստագետներին
Երևանի քաղաքապետ Կարեն Կարապետյանը հանդիպել է Շուշիում քանդակագործության առաջին միջազգային սիմպոզիումին մասնակցելու նպատակով Իտալիայից Երևան ժամանած արվեստագետներին։ Ողջունելով հյուրերին, որոնց թվում են Հռոմի և Ֆլորենցիայի գեղարվեստի ակադեմիաների պրոֆեսորներ, ազատ քանդակագործներ, քաղաքապետ Կարեն Կարապետյանը շնորհակալություն է հայտնել միջոցառման նախաձեռնողներին և կազմակերպիչներին, ինչպես նաև մասնակիցներին՝ ցուցաբերած պատրաստակամության և այն առաքելության համար, որ կիրականացվի Արցախում։ Ընդգծելով միջոցառման կարևորությունը՝ Կարեն Կարապետյանը համոզմունք է հայտնել, որ այն հրաշալի սկիզբ է և պետք է շարունակություն ունենա Երևանում։ Քաղաքապետն առաջարկել է նմանատիպ միջոցառում անցկացնել նաև Երևանում և ստեղծված քանդակները տեղադրել Իտալիայի փողոցում։ Նշելով աշխարհում Իտալական արվեստի մեծ համբավի և այդ արվեստի լավագույն ավանդույթները Հայաստանում կիրառելու պահանջարկը, քաղաքապետն առաջարկել է իտալացի մասնագետների ներգրավմամբ Երևանում գեղարվեստի և դիզայնի դպրոց հիմնել։ Ողջունելով Երևանի քաղաքապետի նախաձեռնությունները, իտալական կողմը պատրաստակամություն է հայտնել քննարկել ինչպես այս առաջարկները, այնպես էլ փոխանակման ծրագրերին առնչվող հարցեր։ Շնորհակալություն հայտնելով ջերմ ընդունելության համար և գնահատելով քաղաքապետի վերաբերմունքը՝ հյուրերը նշել են, որ արվեստի բնագավառում ճիշտ մոտեցումներն ու նախաձեռնությունները շատ դռներ կարող են բացել։ Աղբյուր`http://1in.am/arm/armenia_arts_26715.html
1 2 3 4 5 Կատեգորիա: Իրադարձություններ \| Դիտումներ: 686 \| Ավելացրեց: admin \| Ռեյտինգ: 0.0/0