Գլխավոր » 2011 » Հունիս » 21 » Երևանում համերգով նշեցին Փախստականների համաշխարհային օրը

21:40 Երևանում համերգով նշեցին Փախստականների համաշխարհային օրը
Հունիսի 20-ին Կոմիտասի անվան կամերային երաժշտության տանը Երևանում կայացավ համերգ` նվիրված Փախստականների համաշխարհային օրվան: Միջոցառմանը ողջույնի խոսքով հանդես եկավ Հայաստանում ՄԱԿ-ի ՓԳՀ ներկայացուցիչ Դամթյու Դեսալեն, իսկ բացման խոսքով` ՀՀ արտաքին գործերի նախարար Էդվարդ Նալբանդյանը: Նալբանդյանն իր ելույթի ժամանակ շեշտեց Ֆրիտյոֆ Նանսենի մեծ դերը հայ փախստականներին օգնություն ցուցաբերելու հարցում, շեշտելով, որ այս տարի, նրա 150-ամյակը պատշաճ մակարդակով է նշվելու Հայաստանում: Միջոցառմանը ելույթ ունեցավ «Ազգային պատկերասրահ» փառատոնի նվագախումբը (գեղարվեստական ղեկավար և դիրիժոր Արամ Թալալյան), հնչեցին հայ և արտասահմանցի դասական և ժամանակակից կոմպոզիտորների ստեղծագործությունները, ինչպես նաև ելույթ ունեցան իրաքահայ և ադրբեջանահայ 2 փախստականներ, ովքեր պատմեցին Հայաստանում հայտնվելու իրենց պատմությունը և հետագա կյանքը: Նվագախմբի հետ միասին ելույթ ունեցան սոպրանո երգչուհիներ Նինա Մինասյանը և Ռիմա Խաչատրյանը, տենոր Պերճ Քարազյանը, քանոնահար Նարեկ Գազազյանը և սաքսոֆոնահար Դավիթ Մելքոնյանը: Միջոցառմանը ներկա էին Հայաստանում հավատարմագրված դեսպաններ, արվեստի գործիչներ, փախստականներ: Աղբյուր`http://www.panarmenian.net/arm/news/72975/
1 2 3 4 5 Կատեգորիա: Ծլնգոցից մինչև զրնգոց \| Դիտումներ: 773 \| Ավելացրեց: admin \| Ռեյտինգ: 0.0/0