Հունվարի 28-ին
«Ակումբում» տեղի ունեցավ
նոտային հրատարակությունների և
երաժշտական գրքերի շնորհանդես, որոնց մեջ
իրենց յուրահատուկ տեղը
զբաղեցրին նաև դաշնակահար, նվագակցող Մարգարիտա
Սարգսյանի ժողովածուները: Այս տարի
նա հրատարակել է
երկու ժողովածու, որոնք նվիրված
են կոմպոզիտոր Միքայել
Թարիվերդիեվի ստեղծագործությանը:
Առաջին ժողովածուի մեջ
տեղ են գտել
կոմպոզիտորի 24 և Մարգարիտա Սարգսյանի 1 վոկալիզ, իսկ երկրորդ ժողովածուն ընդգրկում է Թարիվերդիեվի
վաղ շրջանի պրելյուդիաները` գրված 50-ականներին, որոնք կինոերաժշտություն չեն: Ժողովածուի հրատարակումը
որոշակի առումով իրադարձություն է` նկատի
առնելով այն հանգամանքը, որ այս
ժողովածուներում հավաքված գործերը
քիչ են հայտնի
լայն լսարանին: Թարիվերդիեվը երաժշտասերների, ինչպես նաև
երաժիշտներից շատերի հիշողության
մեջ մնացել է
որպես կոմպոզիտոր, որ երաժշտություն
է գրել առավելապես
կինոֆիլմերի համար, այնինչ հարմոնիայի
նրբությունը, մելոդիկայի
ճկունությունը, աշխարհազգացության
զգայունությունը, որ
արտահայտվել են նրա
դաշնամուրային պրելյուդիաներում,
դժվար է
գերագնահատել: Դա ներքին զսպված
փղձուկի և 60- ականների
տրամախաչումն է: Թարիվերդիեվը բազմախոս
թերասություն է: Հուսանք, որ ուսանողությունն անտարբեր չի մնա վերոհիշյալ
հրատարակությունների նկատմամբ:
Դրանք ոչ մեծ, բայց, ամեն դեպքում, քայլ
են Միքայել Թարիվերդիեվի
ստեղծագործության
ժողովրդականացման գործում:
© arTor Русский вариант
|