Գլխավոր » 2011 » Հուլիս » 14 »
Երեւանի կենդանաբանական այգին կոչ է անում միանալ այգու պատմությունն ու արխիվն ամբողջացնելու գործընթացին
13:40
Երեւանի կենդանաբանական այգին կոչ է անում միանալ այգու պատմությունն ու արխիվն ամբողջացնելու գործընթացին
Այս տարին Երեւանի կենդանաբանական այգու համար հոբելյանական է. այն նշելու է իր ստեղծման 70-ամյակը: Երեւանում Կենդանաբանական այգի հիմնելու գաղափարը ծնվել է շատ ավելի վաղ, սակայն շինարարական աշխատանքները սկսվել են միայն 1941 թ-ին:Երկրորդ համաշխարհային պատերազմի ընթացքում կառուցման աշխատանքները ժամանակավորապես դադարեցվել են, իսկ պատերազմից հետո վերսկսված շինարարությունն ավարտվել է 1950 թ-ին:
Այգին, հոբելյանին ընդառաջ, բնակիչներին կոչ է անում միանալ այգու պատմությունն ու արխիվն ամբողջացնելու գործընթացին: Ինչպես «Արմենպրես»-ին տեղեկացրին Կենդանաբանական այգուց, բնակիչները կարող են այգուն առնչվող իրենց հին լուսանկարները, տեսանյութերն ու ձայնագրությունները (մինչեւ 2000 թ-ն արված) ուղարկել history@yerevanzoo.am էլեկտրոնային հասցեին: Հավաքված ամբողջ նյութը ոչ միայն պահպանվելու է Կենդանաբանական այգու արխիվում, այլ նաեւ ներկայացվելու է այգու 70-ամյակին նվիրված ցուցահանդեսի ժամանակ: Բացի այդ, լավագույն լուսանկարները եւ պատմությունները կհրապարակվեն Երեւանի կենդանաբանական այգու ինտերնետային կայքում:
