Գլխավոր » 2011 » Օգոստոս » 20 »
«Երեւանյան հեռանկարներ» 12-րդ միջազգային երաժշտական փառատոնը շարունակվում է 21:50, 19 Օգոստոս, 2011
15:03
«Երեւանյան հեռանկարներ» 12-րդ միջազգային երաժշտական փառատոնը շարունակվում է 21:50, 19 Օգոստոս, 2011
Նախկին «21-ի հեռանկարներ», այժմ' «Երեւանյան հեռանկարներ» միջազգային երաժշտական փառատոնն առանձնանում է ողջ տարածաշրջանում իր տեւականությամբ, գեղարվեստական բարձր մակարդակով: Փառատոնը տարիներ շարունակ Հայաստան է հրավիրում առաջնակարգ նվագախմբեր եւ մենակատարներ աշխարհի տարբեր անկյուններից: Այն անցկացվում է հանրապետության նախագահ Սերժ Սարգսյանի բարձր հովանու ներքո: Փառատոնի աջակիցն է ՀՀ մշակույթի նախարարությունը:
«Փառատոնի այս տարի մեկնարկել է հունիսի 3-ին եւ տեւելու է մինչ տարեվերջ: Վերջին համերգը տեղի կունենա նոյեմբերի 12-ին: Փառատոնի շրջանակներում համերգային ծրագրերին մասնակցելու են երաժշտական ասպարեզում մեծ ճանաչում ունեցող աշխարհի շուրջ 10 խմբեր եւ մենակատարներ, այդ թվում «Հագեն» լարային քառյակը, «Մարինյան թատրոնի սինֆոնիկ նվագախումբ»-ը եւ շատ այլ անվանի երաժիշտներ ու նվագախմբեր»,- «Արմենպրես»-ի հետ զրույցում նշեց «Երեւանյան հեռանկարներ» երաժշտական 12-րդ փառատոնի գլխավոր մենեջեր Սոնա Հովհաննիսյանը: Նաեւ հավելեց, որ մենահամերգներով հոկտեմբեր ամսին հանդես են գալու դաշնակահարուհի Ելենա Բաշկիրովան եւ Պինկաս Ցուկերմանը' Հայաստանի պետական ֆիլհարմոնիկ նվագախմբի հետ համատեղ, ինչպես նաեւ սեպտեմբերին' «Գյուլբենկյան» սինֆոնիկ նվագախումբը: Նրա խոսքով' դասական նախագծերի հետ մեկտեղ, փառատոնի շրջանակներում կազմակերպվելու են նաեւ ոչ դասական համերգներ:
Նշենք նաեւ, որ «Երեւանյան հեռանկարներ» փառատոնի շրջանակներում Հայաստանում մենահամերգներով հանդես են եկել Պլասիդո Դոմինգոն, իսկ մինչ այդ' Ջո Քոքերը, Ալ Բանոն եւ համաշխարհային մեծության այլ երաժիշտներ:
