Գլխավոր » 2011 » Հուլիս » 22 » Երկու նախարարությունների "ընկերության" արդյունքը

15:17 Երկու նախարարությունների "ընկերության" արդյունքը
ՀՀ մշակույթի նախարարությունում անցկացվել է խորհրդակցություն «Երաժշտական և արվեստի դպրոցների ազգային, լարային և փողային նվագարանների գծով ուսուցում ծրագրի» դիտանցման վերլուծության շուրջ: Միջոցառմանը մասնակցել են ՀՀ մշակույթի նախարար Հասմիկ Պողոսյանը եւ ՀՀ կրթության և գիտության նախարար Արմեն Աշոտյանը: ՀՀ մշակույթի նախարարի հանձնարարականի համաձայն` ստեղծված աշխատանքային խմբի կողմից 2011թ. ապրիլ-հունիս ամիսներին իրականացվել էին բազմակողմանի ուսումնասիրություններ, որոնց արդյունքների վերլուծության շուրջ կազմակերպվել է խորհրդակցություն: Քննարկվել են երաժշտական և արվեստի դպրոցների մանկավարժների կարգավիճակի, նրանց վերապատրաստման, հազվագյուտ գործիքների մասսայականացման հարցերը: Խորհրդակցության մասնակիցներն անդրադարձել են նաև սահմանամերձ և բարձրլեռնային շրջանների համար պետպատվերի տրամադրման, կոնսերվատորիայում և միջին մասնագիտական ուսումնական հաստատություններում նպատակային պետպատվերի տեղադրման, ինչպես նաև առկա օրենսդրական դաշտի կարգավորման անհրաժեշտության խնդիրներին: Աղբյուր`http://www.yerkir.am/am/news/9969.htm
1 2 3 4 5 Կատեգորիա: Իրադարձություններ \| Դիտումներ: 852 \| Ավելացրեց: admin \| Տեգեր: խորհրդակցություն, Հասմիկ Պողոսյան \| Ռեյտինգ: 0.0/0