Երկուշաբթի, 05.12.2022, 09:16
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հուլիս » 29 » Ֆրանսահայ դերասանը դժգոհ է Սփյուռքի մշակույթին հատկացվող ուշադրությունից
12:17
Ֆրանսահայ դերասանը դժգոհ է Սփյուռքի մշակույթին հատկացվող ուշադրությունից
Ժիրայր Փափազյան
Ֆրանսահայ դերասան, բեմադրիչ եւ պրոդյուսեր Ժիրայր Փափազյանը համարում է, որ վերջին տասնամյակներում սփյուռքահայ համայնքները ավելի պասսիվ են ազգային մշակույթի զարգացմանն առնչվող հարցերում:

Չորեքշաբթի օրը Երեւանում լրագրողների հետ հանդիպմանը «Ազատություն» ռադիոկայանի հարցին, թե որքանով է ֆրանսահայ համայնքը աջակցում մշակութային ձեռնարկներին, Փափազյանը պատասխանեց. - «5 տոկոս: Համայնքից հույս չկա: Ես միշտ կարծում էի, որ մենք` հայերս, Փարիզում ապրելով կամ Լոնդոնում ապրելով, կմշակվենք, կզարգանանք մշակույթի նկատմամբ: Բայց, կարծում եմ, մենք մնում ենք մեր տրադիցիաների մեջ, դա հայապահպանում ենք անվանում»:

«Սփյուռքում մշակույթ չի մնացել», - շարունակեց նա: - «Աղավաղվել ենք, կորել ենք, օտարացել ենք… Գոնե Ֆրանսիայում կարող եմ ասել: Գուցե ծայրահեղ եմ ասում… բայց ընդհանուր պատկերը սա է` Ցեղասպանությունից բացի, ուրիշ բան չկա: Ինձ ասում են` Ֆրանսիայում ի՞նչ հայկական մշակութային գործունեություն կա, ասում եմ` չորս անգամ տարին Բարեգործականում Ցեղասպանության մասին կոնֆերանս: Փող չկա»:

Փափազյանի խոսքով, մշակութային ձեռնարկների համար կարող են նաեւ պետությունից օժանդակություն ստանալ. - «Բայց դոտացիա կարող ենք ստանալ, եթե Հայաստանն էլ տա: Այդպես են անում իրենք: Երբ ասում ենք` Հայաստանը նույն մակարդակի փողերով չի շարժվում, ասում են` այդ դեպքում ձեր հարուստները թող տան: Իսկ մեր հարուստները չկան, չեն տալիս»:

Նա ասաց, որ շատ դժգոհ է նաեւ բարեգործական միություններից. - «Ե'վ բարեգործական միությունները, ե'ւ հիմնադրամները, ե'ւ «Հայաստան» հիմնադրամը, բոլորը մերժում են: Եվ բոլորի պատասխանը այն է, թե` ես Հայաստանում եկեղեցի եմ կառուցում, ես Հայաստանում դպրոցը պահպանում եմ, ես Հայաստանում շենք եմ բարձրացնում, ես Ղարաբաղում ջուր եմ տանում: Ասում եմ` լավ, հասկացանք, ճիշտ եք անում, լավ եք անում, բայց մի տոկոս մի կողմ դրեք մշակույթի համար, մնացածը ուղարկեք: Չգիտեմ քանի միլիոն «Տելեթոն»-ի ժամանակ հավաքեցին: Լավ, ո՞վ կմահանա, եթե այդ 5 տոկոսը դնեն մշակույթ, մնացյալը ուղարկեն Հայաստան»:

Փափազյանը շեշտեց, որ իր ասածը վերաբերում է ոչ միայն ֆրանսահայ համայնքին. - «Վերջին 40 տարիներին Սփյուռքում առիթ եմ ունեցել տարբեր գաղութներում` Լոս Անջելես, Դեթրոյթ, Նյու Յորք, Մոնրեալ, Լոնդոն, Փարիզ, Կիպրոս, պուլսերը բռնել եւ տեսնել ինչ է կատարվում: Նույնն է կացությունն ամեն տեղ»:

Դերասանը պատմեց Ֆրասիայում իր վերջին բեմադրության` Տիգրան Չուխաջյանի «Կարինե» օպերետի մասին, որը անցած տարի մեծ հաջողություն է ունեցել Փարիզում, ինչից հետո հրավեր է ստացել Մարսելի հանրահայտ «Օդեոն» թատրոնից:

«Սեզոնի բացումը եղավ, որը շատ կարեւոր է, որովհետեւ «Օդեոնը» ֆրանսիական օպերետների ծննդավայրն է», - նշեց Փափազյանը` շարունակելով. - «Թերթում լավ հոդված էր գրված, թե ինչքան ճիշտ ընտրություն էր «Օդեոն» թատրոնի կողմից սեզոնը բացել այս գեղեցիկ գործով»:

Գայանե Դանիելյան


Աղբյուր`http://www.azatutyun.am/content/article/24278874.html

Կատեգորիա: Իրադարձություններ | Դիտումներ: 640 | Ավելացրեց: admin | Տեգեր: Ժիրայր Փափազյան | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հուլիս 2011  »
ԵրկԵրքՉրՀնգՈւրբՇբԿիր
    123
45678910
11121314151617
18192021222324
25262728293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0