Գլխավոր » 2011 » Հուլիս » 22 » Գարիկ Մարտիրոսյանը «Մանկական Եվրատեսիլ 2011»-ի հավանական վարողներից է

16:52 Գարիկ Մարտիրոսյանը «Մանկական Եվրատեսիլ 2011»-ի հավանական վարողներից է
Հայտնի ռուսաստանցի շոումեն Գարիկ Մարտիրոսյանը «Մանկական Եվրատեսիլ 2011»-ի վարողների հավանական թեկնածուներից մեկն է: Այդ մասին լրագրողներին հայտնեց «Մանկական Եվրատեսիլ 2011»-ի պատվիրակությունների ղեկավար Գոհար Գասպարյանը: Գասպարյանը նաև հավելեց, որ «Մանկական Եվրատեսիլ 2011»-ի մասնակիցների քանակը, տեխնիկական հարցերը, բեմը, համերգային մասը և նման այլ կազմակերպչական հարցերը առայժմ նախապատրաստական փուլում են: Ինչ վերաբերում է Ադրբեջանի կամ Թուրքիայի մասնակցությանը մրցույթում, Գասպարյանը ասաց, որ Հայաստանը պատրաստ է ապահովել նրանց անվտանգությունը: «Մանկական Եվրատեսիլ 2011»-ի շրջանակներում սպասվում է մոտ 500 պատվիրակության անդամներ: Մրցույթին իրավունք ունեն մասնակցելու 10-15 տարեկան երեխաները: Մրցույթին մասնակցող երգը պետք է լինի 2.30-2.45 վայրկյան տևողությամբ: Երգի ստեղծման մեջ ակտիվ մասնակցություն պետք է ունենան 10-15 տարեկան երեխաները: 2008թ. սկսած կանոններով պաշտոնապես թույլատրվում է մեծահասակներին օգնել երեխաներին մրցույթի համար երգեր պատրաստել, այն պայմանով, որ այդ երգերի բոլոր իրավունքները կպատկանեն միայն երեխաներին: Մանկական Եվրատեսիլում չի գործում այն սկզբունքը, երբ միջոցառումն անց է կացվում այն երկրում, որի ներկայացուցիչը հաղթել է մրցույթում: «Մանկական Եվրատեսիլ-2011»-ը կկայանա դեկտեմբերի 3-ին Երևանում, Կ. Դեմիրճյանի անվան մարզահամերգային համալիրում: Դեռ 2010 թ-ի վերջին Հայաստան էին ժամանել շվեդ փորձագետներ, ովքեր ուսումնասիրել են մարզահամերգային համալիրը և ընդհանուր պայմանները: Աղբյուր`http://www.slaq.am/arm/news/37960/%D4%B3%D5%A1%D6%80%D5%AB%D5%AF_%D5%84%D5%A1%D6%80%D5%BF%D5%AB%D6%80%D5%B8%D5%BD%D5%B5%D5%A1%D5%B6%D5%A8_%D5%84%D5%A1%D5%B6%D5%AF%D5%A1%D5%AF%D5%A1%D5%B6_%D4%B5%D5%BE%D6%80%D5%A1%D5%BF%D5%A5%D5%BD%D5%AB%D5%AC_2011%D5%AB_%D5%B0%D5%A1%D5%BE%D5%A1%D5%B6%D5%A1%D5%AF%D5%A1%D5%B6_%D5%BE%D5%A1%D6%80%D5%B8%D5%B2%D5%B6%D5%A5%D6%80%D5%AB%D6%81_%D5%A7.html
1 2 3 4 5 Կատեգորիա: Ծլնգոցից մինչև զրնգոց \| Դիտումներ: 782 \| Ավելացրեց: admin \| Տեգեր: Գարիկ Մարտիրոսյան, Մանկական Եվրատեսիլ 2011 \| Ռեյտինգ: 0.0/0