Ուրբաթ, 09.12.2022, 19:38
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հուլիս » 29 » Գազալիցքավորողը՝ պատկերասրահի տնօրեն
14:23
Գազալիցքավորողը՝ պատկերասրահի տնօրեն
 Մովսես Թադեւոսյան
Հրազդանում նկարիչներ կան, որ ստեղծագործում են, ցուցադրվում: Հրազդանն անգամ պատկերասրահ ունի: Սակայն եթե մայրաքաղաքում ապրող նկարիչը խնդիրներ ունի, ինչպե՞ս է ապրում ու ստեղծագործում մարզում բնակվող արվեստագետը: Մեր զրուցակիցն է գեղանկարիչ Մովսես Թադեւոսյանը:

- Հետաքրքիր մտածելակերպ ունեցող նկարիչներ են ապրում Հրազդանում, ճիշտ է, նրանց թիվը մեծ չէ՝ ընդամենը վեց-յոթ հոգի, բայց առանձնանում են իրենց շնորհքով ու ինքնատիպությամբ: Սոցիալական վիճակը չի կարելի բարվոք համարել, նրանց եկամուտը հիմնականում  թաղման համար պատվիրված դիմանկարներից է գոյանում: Ուրիշ կտավներ չեն վաճառվում:

- Իսկ հնարավորություն ունե՞ք ցուցադրվելու, թե՞ նկարները դատապարտված են մնալու արվեստանոցների պատերից ներս:

- Ցուցադրվում ենք տարբեր տեղերում, բայց ոչ Հրազդանում: Վերջերս Հրազդանում ցուցահանդես էինք կազմակերպել` նվիրված տպագրության 500-ամյակին, եւ ցուցադրվեցինք ոչ թե մեր քաղաքի պետական պատկերասրահում, այլ՝ թանգարանում: Ցավն այն է, որ պատկերասրահն այսօր չի ծառայում իր նպատակին: Երբ առաջին անգամ ցուցահանդես բացեցինք պատկերասրահում, տնօրենը` Արամ Ղազարյանը, այնպիսի պայմաններ առաջ քաշեց, որ ապշել էինք: Ուղղակի շուկայական հարաբերությունների վերածվեց, որ պետք է ցուցահանդես-վաճառք կազմակերպել, այդ դեպքում  վաճառվող նկարների քանի տոկոսն ենք իրեն տալու: Իհարկե, ոչ մի նկար էլ չգնվեց, հակառակ տնօրենի այն հավաստիացման, թե ինքը գնորդներ կհայթայթի: Ամեն դեպքում ցուցահանդեսը, որին տասը նկարիչ էր մասնակցում, չներկայացվեց այնպես, ինչպես հարկն էր:

- Իսկ ո՞վ է տնօրենը, արվեստի՞ մարդ է:

- Որքանով տեղյակ եմ՝ արվեստի հետ որեւէ կապ չունի, նախկինում գազալցակայանում գազ լցնող է աշխատել: Եվ այսօր Հրազդանի պատկերասրահը վերածվել է սպորտօջախի, թենիս են խաղում, թուղթ, եւ նման կարգի ժամանցներ: Պատկերասրահը ծառայում է՝ կարեւոր չէ ինչի, բայց ոչ իր բուն նպատակին: Այդ մարդը չգիտի անգամ, թե որ դարաշրջանում ինչ է նկարվել: Անուններ չգիտի:

- Մեկ տարի էլ չկա, որ Արամ Ղազարյանը տնօրեն է նշանակվել, վերջինս, ասում են, մարզպետ Կովալենկո Շահգալդյանի հովանավորյալն է:

- Ես չգիտեմ, թե նրան ով է երաշխավորել Փարավոն Միրզոյանին եւ հատկապես որ արժանիքն է հաշվի առել` նշանակելով այդ պաշտոնին, բայց, որ իր տեղում չէ այդ մարդը՝ միանշանակ է: Երբ պատկերասրահից գողություն կատարվեց, նախկին տնօրենին հանեցին եւ Ղազարյանին նշանակեցին: Իսկ Հրազդանի պատկերասրահը հարուստ ժառանգություն ուներ, գողացել են այնպիսի հեղինակների կտավներ, ինչպիսիք են` Սարյան, Այվազովսկի, Կոջոյան, Մինաս, Կալենց, Բաշինջաղյան, Իսաբեկյան, Թերլեմեզյան, Հակոբ Հակոբյան, Ալեքսանդր Գրիգորյան եւ էլի մի շարք հեղինակներ:

- Իսկ պարզվե՞ց, թե ով է գողացել, համապատասխան մարմինները հետաքրքրվո՞ւմ են կտավների ճակատագրով:

- Չի բացահայտվել, թե ովքեր եւ ինչպես են նկարները գողացել, ասում են՝ քրեական գործ է հարուցվել եւ ընթացքի մեջ է: Բայց այդ հարցով այսօր ոչ հետաքրքրվող կա, ոչ էլ որեւէ նկար է գտնվել: Ի՞նչ է նշանակում սա, չէ՞ որ լուրջ արժեքներ են անհետացել:

- Իսկ ի՞նչ եք մտածում քաղաքի նկարիչներով, որեւէ միջոց ձեռնարկո՞ւմ եք այդ վիճակից ելք գտնելու համար:

- Փորձում ենք ինչ-որ կերպ, ինչ-որ չափով ետ բերել պատկերասրահի նկարները, բայց չգիտենք, թե ինչպես: Ճանապարհներ ենք փնտրում եւ կորցրած արժեքները վերադարձնել, եւ պատկերասրահը նախկին տեսքին բերել, այսինքն` վերականգնել մեր քաղաքի արվեստի օջախը:

Ֆելիքս Եղիազարյան


Աղբյուր`http://www.hraparak.am/2011/07/28/gazalicqavorox/

Կատեգորիա: Կերպարվեստ | Դիտումներ: 774 | Ավելացրեց: admin | Տեգեր: հարցազրույց, Մովսես Թադեւոսյան | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հուլիս 2011  »
ԵրկԵրքՉրՀնգՈւրբՇբԿիր
    123
45678910
11121314151617
18192021222324
25262728293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0