Գլխավոր » 2011 » Հուլիս » 19 »
«Գրեմմի-2011»-ի դափնեկիր երաժիշտ Արտո Թունջբոյաջյանին ԱԺ նախագահը հանձնեց ՀՀ քաղաքացու անձնագիր
14:31
«Գրեմմի-2011»-ի դափնեկիր երաժիշտ Արտո Թունջբոյաջյանին ԱԺ նախագահը հանձնեց ՀՀ քաղաքացու անձնագիր
Հուլիսի 18-ին ՀՀ Ազգային ժողովի նախագահ Հովիկ Աբրահամյանն ընդունեց «Գրեմմի-2011»-ի դափնեկիր, «Armenian Navy Band» խմբի ղեկավար, հայտնի երաժիշտ Արտո Թունջբոյաջյանին:
ԱԺ նախագահը շնորհավորեց նրան Հայաստանի Հանրապետության քաղաքացիություն եւ ՀՀ քաղաքացու անձնագիր ստանալու առթիվ եւ վստահություն հայտնեց, որ նա այսուհետ եւս կշարունակի արժանապատվորեն ներկայացնել հայ մշակույթը արտերկրում: Խորհրդարանի ղեկավարը կարեւորեց մշակույթի դերը որպես երկրի եւ ժողովրդի այցեքարտ:
Հովիկ Աբրահամյանը նշեց, որ մտադիր է նախաձեռնել մի շարք բարեգործական համերգ-ակցիաներ` ուղղված սոցիալապես խոցելի խմբերի աջակցությանը եւ դրանցում ակնկալելով նաեւ «Armenian Navy Band» խմբի մասնակցությունը:
Արտո Թունջբոյաջյանը ներկայացրեց իր ծրագրերը եւ պատրաստակամություն հայտնեց շարունակել համագործակցությունը ԱԺ-ի հետ: