Երեքշաբթի, 06.12.2022, 14:17
Ողջունում ենք Ձեզ Հյուր | RSS

Ջուռնալ



Գլխավոր » 2011 » Օգոստոս » 10 » Գրքի ցուցահանդես` ԼՂՀ-ում
19:14
Գրքի ցուցահանդես` ԼՂՀ-ում
 Գրքի ցուցահանդես` ԼՂՀ-ում
Լեռնային Ղարաբաղի Հանրապետությունում օգոստոսի 22-27-ը կրթական ոլորտի մասնագետներին կներկայացվեն կրթական, ուսումնական, մեթոդական եւ մանկական բազմաբնույթ գրքեր ու ձեռնարկներ: Միջոցառումն անցկացվում է Հայաստանի հրատարակիչների ազգային ասոցիացիայի եւ ԼՂՀ-ի Կրթության եւ գիտության նախարության հետ համատեղ: Ինչպես «Արմենպրես»-ի հետ զրույցում նշեց ասոցիացիայի նախագահ Մկրտիչ Կարապետյանը, ընթացիկ տարվա գարնանը, երբ գրքի ցուցահանդես էր անցկացվում ԼՂՀ-ում, համագործակցության հուշագիր ստորագրվեց ասոցիացիայի եւ Արցախի Կրթության եւ գիտության նախարարության միջեւ: Օգոստոսին կայանալիք միջոցառումը կատարվում է հուշագրի շրջանակներում:

Մ. Կարապետյանի խոսքով' այդ օրերին իրենք լինելու են ԼՂՀ-ի գրեթե բոլոր շրջաններում, որտեղ ներկայացվելու են վերջին տարիների հրատարակությունները: Միջոցառումներն իրականացվելու են երկու ուղղությամբ' աշխատանքներ են տարվելու տեղի կրթական հաստատությունների ներկայացուցիչների հետ եւ կազմակերպվելու է գրքի ցուցահանդես: Մ. Կարապետյանը նշեց, որ նախատեսվում է գրքի նվիրատվություն: Հանդիպումներ են կազմակերպվելու ուսուցիչների եւ հրատարակիչների մասնակցությամբ:

«Մեր նպատակն է գիրքը հասցնել մարդկանց, ներկայացնել մեր ունեցած հետաքրքրիր, արժեքավոր գրականությունը»,-ասաց Մ. Կարապետյանը:

Լեռնային Ղարաբաղում կհյուրընկալվի Հայաստանի ազգային գրադարանի տնօրինությունը: Այնտեղ հանդիպում է լինելու տեղի գրադարանների ներկայացուցիչների հետ, կներկայացվեն ժամանակակից տեղեկատվական տեխնոլոգիաների կիրառման մեթոդները: Նախատեսվում է 500 կտոր գրականության տրամադրում:

ԼՂՀ-ի Կրթության եւ գիտության նախարարի տեղակալ Սլավիկ Ասրյանն «Արմենպրես»-ի հետ զրույցում կարեւորեց նման նախաձեռնության իրականացումը: Նրա խոսքով' այն բավական օգտակար կլինի ուսուցիչների համար, քանի որ հնարավորություն է ստեղծվում տեղում ծանոթանալ ուսումնական, մեթոդական ձեռնարկներին: Նա կարեւորեց նաեւ հրատարակիչների հետ հանդիպումը, որի ընթացքում կարող են ուսուցիչները ներկայացնել հրատարակությունների հետ կապված տարբեր հարցեր: Նախնական տվյալներով' միջոցառմանը կմասնակցեն շուրջ 3 հազար ուսուցիչներ:
 

Աղբյուր`http://armenpress.am/arm/news/660742/

Կատեգորիա: Գրականություն | Դիտումներ: 712 | Ավելացրեց: admin | Տեգեր: Արցախ, ցուցահանդես | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Օգոստոս 2011  »
ԵրկԵրքՉրՀնգՈւրբՇբԿիր
1234567
891011121314
15161718192021
22232425262728
293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0