Գլխավոր » 2011 » Հուլիս » 12 »
Հայ ճարտարապետները կոչ են անում ձեռք չտալ հայկական Նոտր Դամին` Գանձասարի վանքին
16:18
Հայ ճարտարապետները կոչ են անում ձեռք չտալ հայկական Նոտր Դամին` Գանձասարի վանքին
Հայ ճարտարապետները կոչ են անում ձեռք չտալ հայկական Նոտր Դամին` Գանձասարի եկեղեցուն: Ինչպես հայտարարել է PanARMENIAN.Net ի թղթակցի հետ զրույցում Վերականգնող ճարտարապետների ասոցիացիայի փոխնախագահ Ստեփան Նալբանդյանը, Գանձասարը կարևորագույն պատմական հուշարձան է, որը հայտնի է ողջ աշխարհին և քմահաճույքով վերականգնողական աշխատանքներ տանելն անընդունելի է: «Օրինակ, Ֆրանսիայում ոչ ոք չէր համարձակվի ձեռք տալ Նոտր Դամին առանց նախնական նախագծի և գիտամեթոդական խորհուրդ անցկացնելու: Գանձասարը մեր Նոտր Դամն է և մենք պետք է պաշտպանենք այն»,- ասել է Նալբանդյանը: Նրա խոսքով, այն պնդումները, որ համալիրի երեսպատումն այն ամրացնելու համար է, չեն համապատասխանում իրականությանը: «Երեսպատումն ավելարոդ բեռ է, վերականգնողական աշխատանքների համար անհրաժեշտ են այլ մեթոդներ»,- ասել է նա:
Նա որպես խնդրի լուծում առաջարկում է քանդել երեսպատումը և վերականգնել համալիրն անցյալի իրական տեսքով; «Եթե մենք դա չանենք, ապա ընդմիշտ կկորցնենք մեր պատմական արժեքը»,- ասել է նա:
