Հինգշաբթի, 08.12.2022, 20:28
Ողջունում ենք Ձեզ Հյուր | RSS

Ջուռնալ



Գլխավոր » 2011 » Օգոստոս » 4 » Հայաստանում հաշվառված է 104 թանգարան
13:20
Հայաստանում հաշվառված է 104 թանգարան
 թանգարան
Հայաստանի Հանրապետությունում հաշվառված է 104 թանգարան: Ինչպես «Արմենպրես»-ի հետ զրույցում նշեց Հայաստանի Հանրապետության մշակույթի փոխնախարար Արեւ Սամուելյանը, ՀՀ մշակույթի նախարարության համակարգի թանգարաններում յուրաքանչյուր տարի կատարվում է դիտանցում (մոնիթորինգ) եւ դրան համապատասխան' կազմվում են զարգացման ծրագրեր: «ՀՀ քաղաքաշինության նախարարության 2011-2013 թվականների միջնաժամկետ ծախսային ծրագրերով ՀՀ մշակույթի նախարարության համակարգում գործող թանգարաններում նախատեսված է իրականացնել հիմնանորոգման աշխատանքներ»,- ասաց նա:

ՀՀ պետական բյուջեով նախատեսված հիմնանորոգում է ընթանում Ալ. Սպենդիարյանի տուն-թանգարանում, որտեղ իրականացվում են ներքին հարդարման աշխատանքներ' տախտակի, դռների եւ պատուհանների փոխարինում, տեղային ջեռուցման անցկացում, սանհանգույցի կառուցում, էլեկտրամոնտաժ: Տուն-թանգարանի վերանորոգման համար նախատեսված է 34 մլն 968,4 հազար դրամ:

Ա. Սամուելյանի տեղեկացմամբ' ընթացիկ տարում վերանորոգվում է նաեւ Ե. Չարենցի անվան արվեստի եւ գրականության թանգարանը: Վերանորոգվում է թանգարանի տանիքը, նախատեսվում է հատակի, դռների եւ պատուհանների փոխարինում, տեղային ջեռուցման ապահովում, սանհանգույցի վերանորոգում: Վերանորոգման համար նախատեսված է 154 մլն 286,9 հազար դրամ:

Հայաստանի ազգային պատկերասրահի Էջմիածնի մասնաճյուղում նախատեսվում է ներքին եւ արտաքին հարդարում, հատակի, դռների եւ պատուհանների փոխարինում, տեղային ջեռուցման ապահովում: Վերանորոգման համար նախատեսված է 20 մլն դրամ:

Ա. Բակունցի տուն-թանգարանում նախատեսվում է ներքին եւ արտաքին հարդարում, հատակի, դռների եւ պատուհանների փոխարինում, տեղային ջեռուցման ապահովում եւ սանհանգույցի վերանորոգում: Վերանորոգման համար նախատեսված է 30 մլն դրամ:


Աղբյուր`http://armenpress.am/arm/news/660343/

Կատեգորիա: Թանգարան-ցուցասրահներ | Դիտումներ: 861 | Ավելացրեց: admin | Տեգեր: թանգարան | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Օգոստոս 2011  »
ԵրկԵրքՉրՀնգՈւրբՇբԿիր
1234567
891011121314
15161718192021
22232425262728
293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0