Գլխավոր » 2011 » Հուլիս » 8 »
Հետաձգվում է Երեւանում Ալ. Մանթաշովի արձանի տեղադրումը
23:45
Հետաձգվում է Երեւանում Ալ. Մանթաշովի արձանի տեղադրումը
«Ոսկե ծիրան» 8-րդ միջազգային երեւանյան կինոփառատոնի ընթացքում նախատեսվում էր Երեւանի Աբովյան փողոցում տեղադրել հայ մեծանուն բարերար Ալեքսանդր Մանթաշովի արձանը, սակայն որոշակի խնդիրների պատճառով այն հետաձգվում է:
Ինչպես այսօր լրագրողների հետ հանդիպման ժամանակ նշեց կինոփառատոնի նախագահ Հարություն Խաչատրյանը, ամենայն հավանականությամբ արձանը կտեղադրվի օգոստոսին: «Պատճառն այն է, որ տարածքի հետ կապված կային մի շարք խնդիրներ, որոնք արդեն լուծում են ստացել»,- ասաց նա: Հ. Խաչատրյանը կարեւորեց այն հանգամանքը, որ արձանը տեղադրվելու է Աբովյան փողոցում, այսինքն' կլինի առավել տեսանելի վայրում: «Դա կօգնի, որ մարդիկ գան, իրենց ձեռքը դնեն Մանթաշովի ուսին եւ վարակվեն բարերարությամբ»,- ասաց Հ. Խաչատրյանը:
Հիշեցնենք, որ արձանի հեղինակն է Հայաստանի Հանրապետության վաստակավոր քանդակագործ Տիգրան Արզումանյանը եւ այժմ արձանը գտնվում է ձուլման պրոցեսում: «Բրոնզից պատրաստված արձանը կունենա շուրջ 3 մետր բարձրություն»,- «Արմենպրես»-ի հետ զրույցում ասել էր Տ. Արզումանյանը: Քանդակագործը նշել էր նաեւ, որ պետք է կառուցվի 40-50 մ բարձրությամբ պատվանդան, որպեսզի արձանն առավել տեսանելի եւ ներկայանալի լինի:
