Գլխավոր » 2011 » Օգոստոս » 3 »
«High Fest» 9-րդ փառատոնը կանցկացվի հոկտեմբերի 1-8-ը
18:36
«High Fest» 9-րդ փառատոնը կանցկացվի հոկտեմբերի 1-8-ը
«High Fest» միջազգային կատարողական արվեստների 9-րդ փառատոնն այս տարի կանցկացվի հոկտեմբերի 1-8-ը: Ինչպես «Արմենպրես»-ի հետ զրույցում նշեց փառատոնի նախագահ Արթուր Ղուկասյանը, «High Fest» -ին այս տարի կմասնակցեն աշխարհի շուրջ 20 երկրից նույնքան ներկայացումներ, իսկ Հայաստանից կներկայացվեն 10-15 ներկայացումներ:
«Ինչպես յուրաքանչյուր տարի, այս տարի նույնպես փառատոնին ներկա կգտնվեն պատվավոր հյուրեր, անվանի փառատոների ղեկավարներ, պրոդյուսերներ»,- ասաց նա:
Փառատոնի շրջանակներում կանցկացվի նաեւ իրանական ներկայացումների ծրագիր:
Ա. Ղուկասյանը նշեց, որ փառատոնի հիմնական նպատակն է Հայաստանում ներկայացնել համաշխարհային մշակույթը եւ նպաստել հայկական թատերական արվեստի զարգացմանը, ինչպես նաեւ'հայ եւ արտասահմանյան թատերական գործիչների միջեւ շփումների ստեղծմանը:
