Գլխավոր » 2011 » Հուլիս » 20 »
ՀԿԵ -ն հայտարարում է մանկական արվեստի մրցույթ
23:40
ՀԿԵ -ն հայտարարում է մանկական արվեստի մրցույթ
«Հարավկովկասյան երկաթուղի» ՓԲԸ-ն Հայ երկաթուղայինի օրվա առթիվ հայտարարում է մանկական արվեստի մրցույթ: Մրցույթին կարող են մասնակցել մինչև 16 տարեկան երեխաները:
ՀԿԵ մամուլի ծառայության փոխանցմամբ, մրցույթն անցկացվում է երեք անվանակարգերում` «Նկար», «Գրական արվեստ» և «Նախագծում և մոդելավորում»: Բոլոր ներկայացվող աշխատանքները պետք է նվիրված լինեն երկաթուղային տրանսպորտին և երկաթուղայինների աշխատանքին:
«Նկար» անվանակարգում մրցույթին մասնակցելու համար ընդունվում են ցանկացած տեխնիկայով կատարված աշխատանքներ` А4 ֆորմատից ոչ փոքր և А2 ֆորմատից ոչ մեծ:
«Գրական արվեստ» անվանակարգում գնահատվելու են երկաթուղուն նվիրված բանաստեղծությունները, պատմությունները և բալլադները:
«Նախագծում և մոդելավորում» անվանակարգում քննարկվելու են երկաթուղային օբյեկտների նախագծերը: Բոլոր աշխատանքները և հայտերը անհրաժեշտ է ներկայացնել «ՀԿԵ» ՓԲԸ Անձնակազմի կառավարման և սոցիալական զարգացման ծառայություն՝ 0005, ՀՀ, Երևան, Տիգրան Մեծի պող., 50 հասցեով:
