Ուրբաթ, 02.12.2022, 23:06
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հուլիս » 14 » Հոլանդացի կինոգետը բարձր է գնահատում «Ոսկե ծիրանը»-ը (տեսանյութ)
15:10
Հոլանդացի կինոգետը բարձր է գնահատում «Ոսկե ծիրանը»-ը (տեսանյութ)
Վան Բուերեն
«Ոսկե ծիրան» միջազգային կինոփառատոնի շրջանակներում ամեն տարի մեծ թվով անվանի կինոգործիչներ, կինոգետներ եւ կինոլրագրողներ են գալիս Երեւան:

Երեւանում գտնվող հոլանդացի անվանի կինոգետ Պիտեր Վան Բուերենը չորեքշաբթի օրը «Ազատություն» ռադիոկայանին տված հարցազրույցում կարծիք հայտնեց, որ «Ոսկե ծիրան»-ը շատ բարձր մակարդակ ունի:

«Կազմակերպիչները շատ հետաքրքիր ծրագիր են ներկայացնում յուրաքանչյուր տարի, այսպիսով, հրապուրելով աշխարհի տարբեր երկրների կինոգործիչների` ներկայացնելու իրենց աշխատանքները այս միջազգային մրցույթ-փառատոնին», - ասում էր Վան Բուերենը եւ շեշտում, որ զարմանալի չէ տարեցտարի փառատոնին մասնակից ֆիլմերի թվի ավելացնումը:

«Եթե համեմատենք «Ոսկե ծիրան»-ին ներկայացվող ֆիլմերը, օրինակ, Արեւելյան Եվրոպայում անցկացվող կամ այլ միջազգային կինոփառատոների հետ, ապա վստահաբար կարող ենք ասել, որ այս կինոփառատոնը շատ, շատ ավելի լավն է: Այստեղ ոչ մի վատ ֆիլմ չկա, առնվազն 4 լավագույն ֆիլմեր են ցուցադրվում, իսկ մնացածը լավ ֆիլմեր են», - ասում է հոլանդացի կինոգետը:

Շատ մասնագետներ կարծում են, որ եթե որեւէ ֆիլմ արդեն ցուցադրվել է եւ մրցանակի է արժանացել որեւէ միջազգային կինոփառատոնում, ապա այլեւս կարիք չկա նույնը անել մեկ այլ կինոփառատոնում: Պիտեր Վան Բուերենը համաձայն չէ այդ տեսակետին:

«Եթե դա լավ ֆիլմ է, ապա չպետք է «պատժվի» եւ չցուցադրվի այլ կինոփառատոններում, ճիշտ հակառակը` որքան լավ ֆիլմեր բերենք, այնքան լավ եւ մեծ գործ արած կլինենք», - ասում է նա:

Հոլանդացի կինոգետի խոսքով` չկա աշխարհում մեկ այլ կինոփառատոն, որն այսքան փոքր բյուջեով «այսքան աշխատանք անի եւ այսքան հրաշալի ֆիլմեր ներկայացնի իր երկրի հանդիսատեսին»:

Մայրաքաղաքի մշակութային կյանքում մեծ աշխուժություն մտցրած «Ոսկե ծիրան»-ի շրջանակներում ամեն օր «The Club» ակումբում կեսգիշերից հետո կարելի է շփվել արտասահմանից ժամանած կինոգործիչների հետ: Երիտասարդ կինոգործիչների համար ամեն օր վարպետության դասեր են անցկացվում: Ֆիլմերի ցուցադրությունից բացի Շառլ Ազնավուրի հրապարակում էլ բացօթյա համերգներ են անցկացվում: Իսկ լրագրողների համար յուրաքանչյուր օր ասուլիսներ են կազմակերպվում փառատոնի մասնակից կինոգործիչների հետ:

Այսօր ասուլիսի էր հրավիրված ռեժիսոր Ռոման Բալայանը: Նա իրեն համարում է հայկական ծագումով խորհրդաուկրաինական կինոռեժիսոր: Երեկ Գյումրիի «Հոկտեմբեր»կինոթատրոնում ցուցադրվել է նրա «Գիշերը լուսավոր» ֆիլմը:

«Ազատություն» ռադիոկայանի հետ զրույցում Բալայանը խոսեց հայկական ժամանակակից ֆիլմերի մասին: Նա ասաց, թե լավ ծանոթ չէ դրանց, բայց, իր կարծիքով, երիտասարդ կինոռեժիսոր Արամ Շահբազյանը վստահաբար լուրջ առաջխաղացում կունենա կինոյի բնագավառում: Նրա խոսքով` հայկական կինոյին պակասում է կոմեդիան, ուրախությունը, թեթեւությունը. - «Թեեւ խորհրդային տարիներին հայկական շատ լավ ֆիլմեր էին ստեղծվում, բայց հերոսների տխուր դեմքերով եւ տխուր աչքերով», -  ասաց Բալայանը:

Գայանե Դանիելյան

 
Աղբյուր`http://www.azatutyun.am/content/article/24264315.html





Կատեգորիա: Կինո | Դիտումներ: 754 | Ավելացրեց: admin | Տեգեր: Վան Բուերեն, Ոսկե ծիրան» 8-րդ միջազգային կինոփառ | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հուլիս 2011  »
ԵրկԵրքՉրՀնգՈւրբՇբԿիր
    123
45678910
11121314151617
18192021222324
25262728293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0