Գլխավոր » 2011 » Օգոստոս » 10 »
Հրատարակված գրքերի միայն 8-10 տոկոսն է տպագրվում պետպատվերով. Սեյրանուհի Գեղամյան
17:04
Հրատարակված գրքերի միայն 8-10 տոկոսն է տպագրվում պետպատվերով. Սեյրանուհի Գեղամյան
Թե որքան գիրք է տպագրվել 2010-2011թթ. ու որքանն է տպագրվել պետպատվերի շրջանակում, փորձեց պարզել «Առաջիին լրատվական»-ը՝ զրուցելով Ազգային գրապալատի հրապարակությունների ընդունման վիճակագրության բաժնի վարիչ Մայա Հայրապետյանի հետ:
Վերջինս իր խոսքում նա նշեց, որ 2011 թ. տվյալներ, որպես այդպիսին դեռ չկան:
«Տարին պետք է վերջանա, որ կարողանանք ասել, թե քանի գիրք է տպագրվել 2011 թ., իսկ 2010 թ. տպագրված գրքերի մասին տեղեկատվությունը՝ ժողովածուի տեսքով, ավելի ուշ է կտպագրվի»,- Մ.Հայրապետյանը՝ ընդգելով, որ պետպատվերով տպագրված գրքերի քանակը շատ քիչ է:
«2011 թ. սկզբին ստացվել է 37 պետպատվերով գիրք, սակայն դրանք 2010 թ. լույս տեսած գրքեր են, ևս այդքանը ստացվել է կիսամյակի սկզբին»,- ասաց վերջինս՝ ընդգծելով, որ պետպատվերով տպագրված գրքերը Ազգային գրապալատ ստացված գրքերի 10 տոկոսից էլ քիչ են կազմում: Իսկ մշակույթի նախարարության ժամանակակից արվեստի վարչության պետի տեղական Սեյրանուհի Գեղամյանն էլ հավելեց, որ պետպատվերով տպագրված գրքերի պարագայում պետական պայմանագրերը կնքվում են մինչև առաջիկա տարվա մայիսը:
«Այս տարի 2010 թվականի շուրջ 140-150 պետպատվերով գիրք է հրատարակվել»,- նկատեց Ս.Գեղամյանը՝ ընդգծելով, որ 2011 թ. պետպատվերով գրքերի ցանկեր կան, բայց պայմանագրերը նոր են սկսում կնքվել:
«2011 թ. տպագրությունը կավարտվի մինչև 2012 թ. մայիսը»,- ասաց նա՝ հավելելով, որ ընդհանուր առմամբ Հայաստանում վերջին տարիներին տարեկան կտրվածքով տպագրվել է շուրջ 2200 անուն գիրք:
«Դրանցից 8-10 տոկոսն է տպագրվում պետպատվերով, մնացածը տպագրվում են տարբեր հրատարակությունների, հովանավորների միջոցով»,- հավելեց Ս.Գեղամյանը:
