Երեքշաբթի, 06.12.2022, 15:31
Ողջունում ենք Ձեզ Հյուր | RSS

Ջուռնալ



Գլխավոր » 2011 » Օգոստոս » 10 » Ինչպես մի օր ես սիրեցի ռաբիզը
17:39
Ինչպես մի օր ես սիրեցի ռաբիզը
 Սամվել Մարտիրոսյան
Ռաբիզը եւ ռաբիզներին ընդունված է քննադատել: Մինիմում: Հայը իրեն սկսում է մտավորական զգալ, երբ որ բարձրաձայն զատում է իրեն ռաբիզից, հրապարակայնորեն հրաժարվում է ռաբիզ տեսակից, ծիծակ կոշիկից, ռաբիզ երաժշտությունից: Ռաբիզի ժխտումից է սկսվում ինտելեկտուալ վերելքը: Այսինքն, ընդհանուր ռաբիզյան քաղաքակրթությունից, եթե այդպես կարող ենք կոչել այն, ինչը դժվար է վերածվում տեսական սահմանումների, բայց բոլորիս հասկանալի է:

Եվ պարզ է, որ ռաբիզի մարմնավորումը ոչ թե ծիծակ կոշիկներն են կամ շաքարաջրով ամրացրած մազերը, այլ հենց ռաբիզ երաժշտությունը, որը ակունքներով գնում է դեպի ռաբիսը, այն է рабочее искусство, որի մասին շատ քիչ բան է հայտնի: Ինչեւէ, հայ մտավորականը ատում է ռաբիզ երաժշտությունը, ամենուր դրա մասին խոսում է, իսկ հարսանիքներին ստիպված պարում է դրա տակ "հայկական”:

Ես էլ, ինչ մեղքս թաքցնեմ, նույն վերաբերմունքը ունեի ռաբիզի նկատմամբ: Մինչեւ որ Հայաստանը չհեղեղեց ռուսական շանսոնը (թե ասա, ով է էդպես անվանել "բլատնյակը” եւ հիմա մեկ "շանսոն" բառով նկարագրում է Ազնավուրին, Պիաֆին եւ Беломорканал քրեածին խումբը): Եվ եւս մի երաժշտական ուղղություն, որի անվանումը նույնիսկ չգիտեմ, բայց հեշտ նկարագրելի է եւ ծանոթ. սարսափելի կովկասյան ակցենտով ռուսերեն երգում են "Кайфуем” եւ այլ նմանատիպ բաներ: Անվանենք սա էլ կովկասյան շանսոն:

Այս շանսոնները վերապրելուց հետո, երբ որ անցավ հոգեբանական տրավման, ես հասկացա, որ ռաբիզը իրականում շատ հումանիստական շարժում է, առավել եւս՝ համեմատած երկու տիպի շանսոնների հետ:


Տեսեք, ռուսական շանսոնը գովերգում է եւ հերոսացնում

● բանտախցերում տեղի ունեցող անցուդարձը,

● գողական բարոյատրամաբանությունը

● օրինախախտումները,

● եւ այլ հանցանքները:

 

Կովկասյան շանսոնը փառաբանում է

● ուտուշ-խմուշը,

● չալաղաջը,

● թեթեւ թմրադեղերը,

● թեթեւաբարո կանանց,

● եւ այլ էպիկուրական խրախճանքները:

 

Իսկ մեր, հարազատ ռաբիզը երգում է

● եղբայրության,

● ընտանեկան արժեքների,

● ընկերների,

● բարության,

● եւ այլ վեհ եւ բարոյական հանգամանքների մասին:

Բա սրանից հետո ո՞նց չուզենաս, որ ռաբիզի բարոյական պաթոսը հաղթի շանսոնին:

Սամվել Մարտիրոսյան, բլոգեր
ejournal.am


Աղբյուր`http://www.zham.am/index.php?lid=am&pageName=ambeon&id=302991719

Կատեգորիա: Ծլնգոցից մինչև զրնգոց | Դիտումներ: 742 | Ավելացրեց: admin | Տեգեր: Սամվել Մարտիրոսյան | Ռեյտինգ: 5.0/1
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Օգոստոս 2011  »
ԵրկԵրքՉրՀնգՈւրբՇբԿիր
1234567
891011121314
15161718192021
22232425262728
293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0