Գլխավոր » 2011 » Հուլիս » 29 »
Կառավարությունը չի հասկանում, որ թալանում է մեր մշակութային ժառանգությունը. Լևոն Բարսեղյան
14:33
Կառավարությունը չի հասկանում, որ թալանում է մեր մշակութային ժառանգությունը. Լևոն Բարսեղյան
Կառավարության այսօրվա նիստում որոշվել է վերականգնել ու Գյումրիում թողնել նկարիչ Մինաս Ավետիսյանի «Հայկական հովվերգություն» և «Գորգ են գործում» որմնանկարները:
Մեկնաբանելով կառավարության որոշումը՝ Գյումրիի ժուռնալիստների «Ասպարեզ» ակումբի նախագահ Լևոն Բարսեղյանն «Առաջին լրատվականի» հետ զրույցում հիշեցրեց հունիսի 29-ին Գյումրիի 35 հասարակական կազմակերպությունների՝ վարչապետին հղած նամակի մասին, որտեղ վերջիններս հետ էին պահանջում իրենց քաղաքի որմնանկարները։
«Կառավարությունը չի հասկանում, որ թալանում է մեր մշակութային ժառանգությունը»,- զայրացած ասաց Լ.Բարսեղյանը՝ նշելով, որ եթե կառավարությունը ցանկանում է հասարակական պատերազմ, ապա այն կստանա:
«Պիտի վերադարձնեն 4 որմնանկարները: Կառավարությունից ակնկալիք չունեմ, քանի որ այն սպառել է իրեն, իսկ մշակույթի նախարար մենք չենք էլ ունեցել»,- նշեց վերջինս՝ հավելելով, որ իրենք սպասելու են վարչապետի պատասխանին:
