Հինգշաբթի, 08.12.2022, 10:34
Ողջունում ենք Ձեզ Հյուր | RSS

Ջուռնալ



Գլխավոր » 2011 » Օգոստոս » 4 » «Կորել և գտնվել է Հայաստանում» ֆիլմի պրեմիերան կկայանա ԱՄՆ-ում Ծննդյան տոների օրերին
13:31
«Կորել և գտնվել է Հայաստանում» ֆիլմի պրեմիերան կկայանա ԱՄՆ-ում Ծննդյան տոների օրերին
 Կորել և գտնվել է Հայաստանում
Ամերիկաբնակ ռեժիսոր Գոռ Կիրակոսյանի «Կորել և գտնվել է Հայաստանում» ֆիլմի պրեմիերան կայանալու է ԱՄՆ-ում Ծննդյան տոների օրերին, հայտնում է Asbarez-ը: Ֆիլմի մի մասը նկարահանվել է ԱՄՆ-ում, մյուս մասը Հայաստանում: Ֆիլմի հայաստանյան նկարահանումները մեկնարկել էին հունիսի 6-ին և ավարտվել օրերս:

Սիրային կատակերգությունը պատմում է ամերիկացի երիտասարդի մասին, որին լքել է ընկերուհին: Ընկերները տանում են նրան Թուրքիա հանգստանալու: Հանգստի ընթացքում, երբ հերոսը որոշում է օդապարիկով զբաղվել էքստրեմալ ժամանցով, ջրային մոտոցիկլետից պոկվում է պարանը և հերոսը վերև է թռչում: Օդում նրա պարանը փաթաթվում է ինքնաթիռին և արդյունքում, երբ պարանը պոկվում է, նա հայտնվում է հայկական գյուղերից մեկի գոմում: Հերոսը, կարծելով, որ Թուրքիայում է, սկսում է թուրքերեն բառեր ասել, հայերն էլ նրան թշնամու տեղ են դնում:

Ռոմանտիկ կատակերգության բուն իմաստն, ըստ ռեժիսորի, այն է, որ այն մարդը, ով թշնամի է թվում, կարող է մարդու լավագույն բարեկամը դառնալ: Աշխատանքային գործընթացը սկսվել է հունվար ամսին: Ֆիլմի պրոդյուսեր Վալերի Մաքքեֆրին ասաց, որ ֆիլմը որոշ չափով անդրադառնում է նաև Հայոց ցեղասպանության հարցին, սակայն դա չէ ֆիլմում կարևորը: Ֆիլմի մյուս պրոդյուսերն է Մարալ Ջերեջյանը: Նա նշեց, որ ֆիլմը կներկայացվի զանազան կինոփառատոնների:

Ֆիլմում խաղում են հոլիվուդյան դերասաններ Ջեմի Քեննեդին, Դեյվ Շերիդանը, Անժելա Սարաֆյանը, Մուրիսա Հարբան, ինչպես նաև Դավիթ Թովմասյանը, Վաչիկ Մանգասարյանը, Միքայել Պողոսյանը, Հրանտ Թոխատյանը և այլոք:

Ֆիլմը նկարահանել է ամերիկյան «Red Tie» կինոստուդիան, տևողությունը` 1 ժամ 40 րոպե է:


Աղբյուր`http://www.panarmenian.net/arm/news/75346/

Կատեգորիա: Կինո | Դիտումներ: 825 | Ավելացրեց: admin | Տեգեր: Գոռ Կիրակոսյան, ԱՄՆ, Կորել և գտնվել է Հայաստանում | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Օգոստոս 2011  »
ԵրկԵրքՉրՀնգՈւրբՇբԿիր
1234567
891011121314
15161718192021
22232425262728
293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0