Այսօր, կառավարության նիստում ներառված է Հայատառ գրադարանային հավաքածուի թվանշանային տարբերակի (թվանշանային գրադարանի) կազմակերպման և համակարգման կարգը սահմանելու մասին որոշման նախագիծ:
Նախագծով կարգավորվում են Հայաստանի Հանրապետության գրադարանային հավաքածուի բաղկացուցիչ մաս կազմող հայատառ գրադարանային հավաքածուների թվանշանային տարբերակի կազմակերպման և համակարգման հետ կապված հարաբերությունները:
Թվանշանային գրադարանի ստեղծման հիմնական նպատակը Հայաստանի Հանրապետության գրավոր ժառանգության մաս կազմող հայատառ, ինչպես նաև Հայաստանի ու հայերի վերաբերյալ համակարգված տեղեկույթից օգտվելու հնարավորության ապահովումն է: