 "Խոստանում եմ, որ լավ կներկայացնեմ Հայաստանը:)”Լիդա Առաքելյանը, նույն ինքը՝ Լիդուշիկը, ինչպես գիտեք, այս տարվա մանկական "Նոր ալիք”-ի հայաստանյան ներկայացուցիչն է: Օրերս նկարահանվել է նրա "Պարը” երգի տեսահոլովակը, որն իր հետ տանելու է մանկական մրցույթին:Այս երգն առաջին անգամ Լիդուշիկը կատարել է մանկական "Նոր ալիք”-ի հայաստանյան նախընտրական փուլի ժամանակ, այն նաեւ երգելու է եզրափակչում. "Միշտ ուզել եմ պարի մասին երգ ունենալ, քանի որ շատ փոքրուց միաժամանակ երգել ու պարել եմ: Տեսահոլովակի մեջ էլ երգում ու պարում եմ տիկնիկի, գնչուհու հագուստներով”:"Պարը” երգը Լիդուշիկը նվեր է ստացել նախորդ տարի երաժշտության համահեղինակներ Արմեն Գեւորգյանից, Էդգար Ալեքսանյանից եւ խոսքերի հեղինակ Ավետ Բարսեղյանից: Առիթը փոքրիկ երգչուհու ծննդյան 11-րդ տարեդարձն էր:): Տեսահոլովակի ռեժիսորը Արտյոմ Հարությունյանն է:Նախորդ ծննդյան տոնին Լիդուշիկը նաեւ նվեր էր ստացել պուդել ցեղատեսակի սպիտակ շուն, որին անվանել է Ստիկի: "Միշտ չարաճճիություն է անում, որ ջղայնանամ, բայց ես շատ-շատ եմ շնիկիս սիրում: Աթոռի վրա նստում եւ ուշադիր լսում է, թե ինչ եմ նվագում կամ երգում:)”, – ոգեւորությամբ պատմեց աղջնակը:Լիդուշիկը հաճախում է դաշնամուրի, շվիի դասերի, երգի, պարի, բայց նշում է՝ կարեւորը դպրոցի դասերն են. "Դասերս առաջնակարգ են ինձ համար, ինչ էլ լինի, փորձում եմ սովորել, շնորհակալ եմ, որ ուսուցիչներս ներում եմ բացակայություններիս համար”:Մանկական "Նոր ալիք”-ում յուրաքանչյուր մասնակից կատարելու է երկուական երգ. Լիդուշիկը բացի "Պար”-ից երգելու է նաեւ Հաննա Մոնտանայի երգացանկից "Who Said” երգը: 12-ամյա աղջիկը հիշում է, որ բավական բարդ ու հետաքրքիր է անցել ապրիլին Մոսկվայում կայացած կիսաեզրափակիչ փուլը. "Հիվանդ ու բարձր տաքությամբ գնացի Մոսկվա, բայց այնպես երգեցի, կարծես հիվանդ չեմ:): Ինձնից առաջ Ուկրաինան ներկայացնող Անդրանիկ Ալեքսանյանն էլ էր վատառողջ: Դա զգալով՝ ժյուրին ասաց, որ իրենք հիվանդ մարդկանց չեն տանջում, ով հիվանդ է, կարող է չերգել: Դրանից հետո ինձ հավաքեցի ու կարողացա 4 երգ կատարել: Հաջորդ օրը, երբ եզրափակիչ անցած մասնակիցների անուններն էին կարդում, մտածում էինք` այբբենական կարգով է լինելու: Առաքելյան ազգանունը չկարդացին, ես էլ մտածեցի՝ չեմ անցել, բայց հետո անունս կարդացին: Այդ պահին տաքությունից, լարվածությունից չէի հասկանում, որ, իրոք, եզրափակչում եմ:)”:Այժմ Լիդուշիկը վոկալի վերջին փորձերն է անում իր ուսուցիչ Արմեն Գեւորգյանի հետ, պատրաստվում է լավ տրամադրությամբ մեկնել մրցույթին: Բուն մրցույթը կկայանա օգոստոսի 20-ից 22-ը: Մասնակիցները "Արտեկ” մանկական ճամբարում կհավաքվեն մրցույթից 10 օր առաջ՝ փորձեր անելու նպատակով. "Ռեժիսոր պարոն Ռեւզինը պետք է մեզ հետ աշխատի, որ լավ ելույթ ունենանք: Իմ կարծիքով՝ ավելի կարեւոր է մասնակցությունը, քան հաղթանակը, որովհետեւ ձեռք ես բերում բազմաթիվ նոր ընկերներ, նոր կապեր: Խոստանում եմ, որ լավ կներկայացնեմ Հայաստանը”:Տեքստը` Լիանա Մեյթարջյանի / Bravo.am/Լուսանկարները` Լիդուշիկի անձնական արխիվիցԱղբյուր`http://www.bravo.am/news/%D5%AC%D5%AB%D5%A4%D5%A1-%D5%A1%D5%BC%D5%A1%D6%84%D5%A5%D5%AC%D5%B5%D5%A1%D5%B6/
|
