Գլխավոր » 2011 » Օգոստոս » 16 »
Մ. Թարիվերդիեվի անվան երգեհոնահարների մրցույթը` սեպտեմբերին
13:25
Մ. Թարիվերդիեվի անվան երգեհոնահարների մրցույթը` սեպտեմբերին
Ազգությամբ հայ կոմպոզիտոր Միքայել Թարիվերդիեվի անվան երգեհոնահարների 7-րդ միջազգային մրցույթը կանցկացվի Կալինինգրադում' սեպտեմբերի 6-11-ը: Ինչպես հաղորդում է «Արմենպրես»-ը, վկայակոչելով «ԻՏԱՌ-ՏԱՍՍ»-ը, մրցույթին կմասնակցեն 60 կատարողներ Գերմանիայից, Ֆրանսիայից, Ռուսաստանից, Իտալիայից, ԱՄՆ-ից, Չեխիայից, Կորեայից եւ այլ երկրներից:
Կալինինգրադում կհավաքվեն մրցույթի առաջին փուլի մասնակիցները. առաջին փուլն այս տարի անցկացվել է Կանզասում, Համբուրգում, Աստանայում եւ Մոսկվայում: Սեպտեմբերի 6-11-ը կանցկացվեն մրցույթի երկրորդ եւ երրորդ փուլերը, որոնց ժամանակ էլ կորոշվեն լավագույններից լավագույնները:
Թարիվերդիեվի անվան միջազգային մրցույթը, որը ճանապարհ է բացել շատ մասնակիցների առջեւ, Կալինինգրադում անցկացվում է 1999-ից' երկու տարին մեկ պարբերականությամբ:
