Ուրբաթ, 02.12.2022, 00:26
Ողջունում ենք Ձեզ Հյուր | RSS

Ջուռնալ



Գլխավոր » 2011 » Օգոստոս » 14 » Մի՞թե Թուրքիան վերադարձնում է եկեղեցիներն ու պատարագների թույլտվություն տալիս
14:04
Մի՞թե Թուրքիան վերադարձնում է եկեղեցիներն ու պատարագների թույլտվություն տալիս
 եկեղեցի
Return Churches հայտնի բանաձևի ընդունումից հետո հնչեցին բազում տեսակետներ` համաձայն որոնց Թուրքիան առերես կընդունի, սակայն չի կատարի քրիստոնյաներին եկեղեցիներ վերադարձնելու և պարբերաբար պատարագների իրականացման թույլտվության տրամադրման պահանջները: Այնուհանդերձ, հաշվի առնելով ներքին լարված դրությունը, բարձրագույն ռազմական հրամանատարության հրաժարականը, Սիրիայի հետ վատթար հարաբերությունները, քրդերի խնդիրը և այլն` Թուրքիայի Կառավարությունը հարկադրված էր որոշակի քայլեր ձեռնարկել:

Երկու օր առաջ թուրքական ու ադրբեջանական ԶԼՄ-ները գովերգում էին «ժողովրդավարական ուղիով շարժվող Թուրքիան, որը բարյացակամ վերաբերմունք է ցուցաբերում իր պետության քրիստոնյա բնակիչների նկատմամբ», քանի որ այս տարի ևս Վանա լճի Աղթամար կղզու Սուրբ Խաչ հայկական եկեղեցում այս տարվա պատարագը է մատուցվելու, այս անգամ` սեպտեմբերի 11-ին: Թուրքական Sondakika լրատվական կայքը և Dogan լրատվական գործակալությունը հայտնում են, որ անգամ լուրջ նախապատրաստական աշխատանքներն արդեն իսկ մեկնարկել են:

Ընթացիկ նախապատրաստական աշխատանքներին ծանոթանալու նպատակով` Վան են մեկնել Պոլսո հայոց պատրիարքի տեղապահ, արքեպիսկոպոս Արամ Աթեշյանը և հոգևոր խորհրդի նախագահ Թաթուլ Անուշյանը: Հարկ է նշել, որ վերջիններս սկզբում այցելել են Վանի նահանգապետ Մյունիր Քարաօղլուին, որպեսզի քննարկեն առաջիկա պատարագի կազմակերպչական հարցերը: Նահանգապետն իր հերթին հավելել է, որ իրենք կանեն հնարավորինը` կրոնական արարողությունը Սուրբ Խաչում անվտանգ և առանց պատահարների կազմակերպելու համար:

Արքեպիսկոպոս Աթեշյանը հարցազրույցում ասել է. «Ի տարբերություն անցած տարվա` այս անգամ եկեղեցու գմբեթին խաչ տեղադրելու խնդիր չկա. այն արդեն ամրացված է: Այս տարի պաշտոնական հրավերներ չեն լինելու, քանի որ անցած տարի պաշտոնական հրավերներ ուղարկեցինք բացման արարողության համար: Այս տարի պարզապես գալու ենք` Աստծուն աղոթելու»:

Պետք է ասեմ նաև, որ ադրբեջանական մամուլն ակտիվորեն քննարկում էր օրեր առաջ Թուրքիայի Հաթայ նահանգի հարավային Իսքենդերուն քաղաքում շուրջ 9 տարի չգործող հայկական եկեղեցու վերաբացումն ու այնտեղ իրականացված պատարագը: 1872 թվականին հիմնված Քառասուն մանկանց եկեղեցու քահանա Սարգիս Սերոբ Բիլյանը մահացել էր 2002-ին, այդ ժամանակից ի վեր եկեղեցում պատարագ չէր եղել: Եկեղեցու վերաբացումը մեկնաբանվում է` որպես «Թուրքիայի հանդուրժողական քաղաքականության արդյունք, որը ձգտում է խաղաղության մթնոլորտի պահպանմանը»:

Իրականում Թուրքիան չի կատարի Return Churches բանաձևի դրույթները, պարզապես մի քանի պատարագի ու մի քանի եկեղեցու վերանորոգման թույլտվություն կտա, ապա բազմիցս կնշի ու կազդարարի այդ մասին` Արևմուտքին և հատկապես ԱՄՆ-ին առավել ժողովրդավար երևալու նպատակով: Այսքանից հետո հարց է ծագում` արժե՞ արդյոք հենց սեպտեմբերի 11-ին այցելել Աղթամար…


Աղբյուր`http://blog.liberal.am/index.php/2011-04-24-07-38-31/360-church-and-liturgy

Կատեգորիա: Եկեղեցի | Դիտումներ: 551 | Ավելացրեց: admin | Տեգեր: Թուրքիա, Աղթամար կղզի, Սուրբ Խաչ, Վանա լիճ | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Օգոստոս 2011  »
ԵրկԵրքՉրՀնգՈւրբՇբԿիր
1234567
891011121314
15161718192021
22232425262728
293031

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0