ՆՓԱԿ արվեստի կենտրում օրերս կազմակերպված` համադրողներ Հասմիկ Թանգյանի ու Արփա Հակոբյանի` ''Միջնորդավորված խոսակցություն'' խորագրով ցուցահանդեսը նվիրված էր աուտիզմով հիվանդ երեխաներին: Հասմիկ Թանգյանը փորձ էր արել ներկայացնելու աուտիկ երեխաների ու արվեստագետների միջև եղած վիրտուալ փոխհարաբերությունները:
Հետաքրքիրն այն է, որ այդ նկարները` լինելով արտ-թերապիայի արդյունքներ, իրենցից ներկայացնում են ինքնուրույն արվեստի գործեր: Հանդիսանալով երեխայի հոգու և խնդիրների ֆորմալ պատկեր` դրանք հնարավորություն են տալիս արվեստագետին իր սեփական երևակայության միջոցով մտնել մեկ այլ աշխարհ:
