Աշխարհահռչակ երգահան, դաշնակահար, գործիքավորող Միշել Լեգրանը և երգչուհի Թամարա Գվերդցիթելին բացառիկ համերգով հանդես են գալու Վրաստանում։
Ինչպես տեղեկացնում է GHN գործակալությունը, «Շերբուրգյան հովանոցներ» խորագրով համերգը տեղի է ունենալու Բաթումում օգոստոսի 15-ին։
Միշել Լեգրանը ծնվել է 1932-ին Փարիզում ֆրանսիացի դերասան և կոմպոզիտոոր Ռայմոնդ Լեգրանի և հայ դաշնակահարուհի Հայկուշ Մարսել Տեր-Միքայելյանի ընտանիքում: Լեգրանն արժանացել է բազմաթիվ մրցանակների՝ 5 «Գրեմմիի», 3 «Օսկարի», 3 «Սեզարի», 12 «Ոսկե գլոբուսի», թողարկել է շուրջ 200 ձայնասկավառակ: