Երեքշաբթի, 29.11.2022, 19:47
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հունիս » 28 » Մոսկվայի կինոփառատոն ասացիք` «Ոսկե ծիրանը» հիշեցինք
20:44
Մոսկվայի կինոփառատոն ասացիք` «Ոսկե ծիրանը» հիշեցինք
33-րդ միջազգային մոսկովյան կինոփառատոն
Մոսկվայում բացվեց հերթական` 33-րդ միջազգային կինոփառատոնը: Այն բացվեց Մայքլ Բեյի «Տրանսֆորմերները 3» հոլիվուդյան բլոգբասթերի համաշխարհային պրեմիերայով: Այս կինոֆորումի գրեթե «մշտնջենական» տնօրեն Նիկիտա Միխալկովն իր ելույթում այն հույսը հայտնեց, որ «երեւի թե սա նախավերջին կինոփառատոնն է, որ Մոսկվան անցկացնում է առանց սեփական կինոպալատի», իհարկե, ակնարկելով քաղաքային իշխանությունների տված խոստման մասին:

Ժյուրիի նախագահը մեծն Չարլզ Չապլինի դուստրն է` Ջերալդին Չապլինը, իսկ հյուրերի թվում են, բացի «գլամուրային աստղերից», նաեւ միշտ սկանդալների պատրաստ Վլադիմիր Ժիրինովսկին, ինչպես նաեւ Չեխիայի նախկին նախագահ Վացլավ Հավելի կինը` Դագմար Հավլովան, ով առողջական խնդիրների պատճառով Մոսկվա չժամանած իր ամուսնու փոխարեն մրցութային ծրագրին է ներկայացնում վերջինիս հեղինակային ֆիլմը (նոր իմացանք, որ Հավելը քաղաքականությունը թողնելուց հետո իրեն նվիրել է չեխական կինոյին):

Հյուրերի մեջ է նաեւ Ջոն Մալկովիչը, ում հենց բացման արարողության ժամանակ հանձնվեց մրցանակ` համաշխարհային կինեմատոգրաֆում ունեցած բացառիկ ներդրման համար: Ինքն էլ փոքր-ինչ ինքնատիպ շնորհակալական խոսք ասաց, թե չնայած Մոսկվայում մինչ այս եղել է (ուղղակի եկել էր ֆռֆռալու), բայց առաջին անգամ է մասնակցում կինոփառատոնին եւ տարօրինակ զգացում ունի, քանի որ մրցանակ է ստանում այն մարդուց (խոսքը վերոնշյալ Ջերալդինի մասին է), ում հետ առաջին անգամ բախտ է վիճակվել իր պատանի ժամանակ նկարահանվել «մասսովկայում»: Բա՜, ինչպես ռուսները կասեին` «мир тесен»:

Վաղուց արդեն «Ա» կատեգորիայի վարկանիշ նվաճած մոսկովյան կինոփառատոնը կտեւի մինչեւ հուլիսի 2-ը, որի շրջանակներում կցուցադրվի 400-ից ավելի ֆիլմ: Մրցութային ծրագրում Հայաստանն իհարկե ներկայացված չէ: Դե, ինչ ասենք, տարոսը հաշված օրեր անց մեկնարկող մեր «Ոսկե ծիրանին», ճիշտ է՝ մեզ մոտ Մալկովիչներն ու Չապլինները ներկա չեն լինում, բայց դե մենք էլ` մեր «գյորա»: Մնում է, որ «մեկկինոթատրոնանոց» մեր երկրում կարողանանք պատշաճ ձեւով «էշը ցեխից հանենք»:


Աղբյուր`http://www.hraparak.am/2011/06/27/kinoparaton/

Կատեգորիա: Կինո | Դիտումներ: 619 | Ավելացրեց: admin | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հունիս 2011  »
ԵրկԵրքՉրՀնգՈւրբՇբԿիր
  12345
6789101112
13141516171819
20212223242526
27282930

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0