Գլխավոր » 2011 » Հունիս » 21 »
Մոսկվայում ընթանում է ՌԴ վաստակավոր նկարիչ Յուրի Գրիգորյանի ցուցահանդեսը
21:43
Մոսկվայում ընթանում է ՌԴ վաստակավոր նկարիչ Յուրի Գրիգորյանի ցուցահանդեսը |
 Մոսկվայի «Նովիյ Մանեժ» պետական ցուցասրահում հունիսի 16-ից ընթանում է Ռուսաստանի Դաշնության վաստակավոր նկարիչ, Կերպարվեստի ռուսական ակադեմիայի թղթակից անդամ Յուրի Գրիգորյանի անհատական ցուցահանդեսը: Նա ծնվել է Լեռնային Ղարաբաղում, ավարտել է Մոսկվայի Վ. Սուրիկովի անվան գեղարվեստի ինստիտուտը: Նա ապրում և ստեղծագործում է Մոսկվայում 1960-ական թթ-ից սկսած, հաղորդում է ցուցասրահի կայքը:
Նկարիչն իր ավելի քան 40-ամյա գեղարվեստական գործունեության ընթացքում մասնակցել է շուրջ 200 միջազգային և տեղական ցուցահանդեսների: Նրա ավելի քան 50 աշխաըտանքները գտնվում են Ռուսաստանի և արտերկրի այնպիսի ցուցասրահներում, պատկերասրահներում և անհատական հավաքածուներում, ինչպիսիք են Տրետյակովյան պատկերասրահը Մոսկվայում, Roy Miles Gallery-ն Անգլիայում, Շնիտկեյի թանգարանը Գերմանիայում և այլն: Նրա աշխատանքները կարելի է հանդիպել Մ. Գորբաչովի կամ ԱՄՆ նախագահի նախկին թեկնածու Ալ. Գոռի հավաքածուներում: Նրա «Հայ կին» կտավը Ճապոնիայում կայացած «Ժամանակակից սովետական գեղանկար» ցուցահանդեսում արժանացել է ոսկե մեդալի: Ցուցահանդեսը կշարունակվի մինչև հունիսի 28-ը:
Աղբյուր`http://www.panarmenian.net/arm/news/72979/
|
|
Կատեգորիա: Կերպարվեստ |
Դիտումներ: 679 |
Ավելացրեց: admin
| Ռեյտինգ: 0.0/0 |
| Ընդամենը մեկնաբանություններ: 0 | |
|
|
|
|
Նյութեր ավելացնելու համար հարկավոր է գրանցվել: [ Գրանցվել | Մուտք ]
|
