Գլխավոր » 2011 » Օգոստոս » 6 »
Մշակույթի նախարարությունը պնդում է, որ գրություն կամ գրավոր հանձնարարական չի ստացել վանքերի առնչությամբ
14:51
Մշակույթի նախարարությունը պնդում է, որ գրություն կամ գրավոր հանձնարարական չի ստացել վանքերի առնչությամբ
Մշակույթի նախարարության կայքում հաղորդագրություն է տեղադրվել Մայր աթոռի տեղեկատվական համակարգի տնօրեն Վահրամ Միքայելյանի` 23.07.2011թ-ին մամուլին արված այն հայտարարության առնչությամբ, թե Մայր աթոռից դիմել են Մշակույթի նախարարություն, որպեսզի. «...պատմամշակութային կարևորություն ունեցող վանքերի վերանորոգման նախագծերն ու նախահաշիվները փոխանցվեն Մայր Աթոռ Սուրբ Էջմիածին՝ դրանց հիման վրա հայթայթելու անհրաժեշտ միջոցները»: «Այս առնչությամբ գործակալությանը հանձնարարական էր տրվել նաև ՀՀ այն ժամանակվա նախագահ Ռոբերտ Քոչարյանի կողմից, սակայն, Մայր Աթոռի դիմումն ընթացք չստացավ, և որևէ նախագիծ առ այսօր Մայր Աթոռին չի փոխանցվել»,- նշել էր Մելիքյանը:
Նախարարությունը հայտարարությամբ պարզաբանում է, որ նշյալի վերաբերյալ որևէ գրություն կամ գրավոր հանձնարարական չի եղել:
«Չենք լռելու» երիտասարդական նախաձեռնությունն այսօր հաղորդագրություն էր տարածել այս հարցի առնչությամբ, որում նշվում էր, որ նախաձեռնությունը դեռևս հուլիսի 23-ին խնդրանքով դիմել էր Մշակույթի նախարարությանը, ում ենթակայության տակ է գտնվում Հուշարձանների պահպանության գործակալությանը, պարզել և առաջիկա օրերի ընթացքում մամուլի միջոցով հայտնել հանրությանը Կաթողիկոսի խնդրանքը և այն ժամանակվա նախագահի հանձնարարականը չկատարելու պատճառը: Նախաձեռնությունը պատասխան չէր ստացել:
