Գլխավոր » 2011 » Հունիս » 16 »
Մշակույթի նախարարությունը պաշտոնապես կհրավիրի Մարկեսին Հայասատան
20:16
Մշակույթի նախարարությունը պաշտոնապես կհրավիրի Մարկեսին Հայասատան
Հայաստանի մշակույթի նախարարությունը այս օրերին նամակ է պատրաստում կոլումբիացի հայտնի գրող Գաբրիել Գարսիա Մարկեսին Հայաստան հրավիրելու համար: Այս մասին այսօր` հունիսի 15-ին, NEWS.am-ի թղթակցի հետ զրույցում ասաց երիտասարդ լրագրող, բլոգեր, «Հրավիրենք Մարկեսին Հայաստան» նախաձեռնության համահեղինակ Շուշան Շատիկյանը: Նա նշեց, որ նամակը կուղարկվի շուտով:
Հիշեցնենք, որ «Հրավիրենք Մարկեսին Հայաստան» նախաձեռնության անդամներն հունիսի 9-ին պաշտոնական նամակ են ուղարկել ՀՀ Մշակույթի նախարար Հասմիկ Պողոսյանին եւ առաջարկել են Երեւան հրավիրել աշխարհահռչակ կոլումբիացի գրող, Նոբելյան մրցանակակիր Գաբրիել Գարսիա Մարկեսին: Նամակում, մասնավորապես, ասվել է. «Հարգարժան նախարար, ինչպես տեղեկացված եք, ՅՈՒՆԵՍԿՕ-ի որոշմամբ 2012 թվականին Երեւանը լինելու է գրքի համաշխարհային մայրաքաղաք: Այդ առիթով եւ ոչ միայն մենք ցանկանում ենք, որպեսզի Հայաստանը հյուրընկալի աշխարհահռչակ կոլումբիացի գրող, Նոբելյան մրցանակակիր Գաբրիել Գարսիա Մարկեսին: Մեր նախաձեռնության անդամների թիվն արդեն անցել է 2500-ի սահմանը:Սույն նամակով դիմում ենք Ձեզ՝ խնդրելով, որպեսզի Դուք եւ Ձեր գլխավորած ՀՀ Մշակույթի նախարարությունը պաշտոնական հրավեր ուղարկեք Գարսիա Մարկեսին»: Նախաձեռնության անդամները նշել են նաեւ, որ Մարկեսի` հրավերն ընդունելու դեպքում պատրաստ են կազմել հստակ ծրագիր եւ մասնակցել կազմակերպչական բոլոր աշխատանքներին:
