Գլխավոր » 2011 » Օգոստոս » 3 »
Նարեկ Հախնազարյանի «որս» է սկսվել. թավջութակահարի առջև լայն հորիզոններ են բացվում (տեսանյութեր)
15:08
Նարեկ Հախնազարյանի «որս» է սկսվել. թավջութակահարի առջև լայն հորիզոններ են բացվում (տեսանյութեր)
«Սա իսկական հաղթանակ է, և շատ դժվար հաղթանակ՝ միլիոնից մեկին չի տրվում»,- ասաց խմբավար Էդուարդ Թոփչյանը՝ լրագրողների հետ այսօրվա հանդիպմանը ներկայացնելով Չայկովսկու անվան մրցույթում թավջութակահար Նարեկ Հախնազարյանի հաղթանակը:
Ըստ նրա՝ Չայկովսկու անվան մրցույթը թավջութակահարների համար ամենահեղինակավորն է և հաղթողներին մեծ հնարավորություններ է տալիս՝ համերգներով շրջագայելու Տոկիոյում, Լոնդոնում, Ռուսաստանի քաղաքներում։
«Այս մրցույթի արդյունքում ամբողջ տարվա ընթացքում և հետո էլ նա պլանավորված համերգներ ունի, և երկու-երեք հայտնի գործակալություններ որսի են դուրս եկել Նարեկի հետևից։ Եվ արդեն ընտրում ենք»,- ասաց Թոփչյանը։
Նշվեց, որ այս տարի թավջութակահարների մրցույթը բարձրագույն մակարդակի էր։
Թոփչյանը նշեց, որ Նարեկն առաջինն է Հայաստանից, որ հաղթել է այս մրցույթում. «Եղել է ևս մեկը՝ Կարինե Գեորգյան, սակայն նա Հայաստանը չի ներկայացրել»,- ասաց նա։
Հիշեցնենք, որ Չայկովսկու անվան միջազգային երաժշտական մրցույթում «Թավջութակ» անվանակարգում այս տարի հաղթել է Հայաստանը ներկայացնող անվանի երաժիշտ Նարեկ Հախնազարյանը:
Այդ անվանակարգում եզրափակիչ էին անցել 5 երկրների՝ Իտալիայի, Գերմանիայի, Բելառուսի, Ֆրանսիայի ու Հայաստանի ներկայացուցիչները: