Գլխավոր » 2011 » Օգոստոս » 8 »
Օրդուի համալսարանի թուրքերեն լեզվի և գրականության ամբիոնի վարիչը դեմ է արտահայտվել Օրդուի պատմական հունական և հայկական տների վերականգնմանը
18:14
Օրդուի համալսարանի թուրքերեն լեզվի և գրականության ամբիոնի վարիչը դեմ է արտահայտվել Օրդուի պատմական հունական և հայկական տների վերականգնմանը
«demokrathaber.net»-ի փոխանցմամբ Օրդուի համալսարանի թուրքերեն լեզվի և գրականության ամբիոնի վարիչ դոցենտ, դոկտոր Իսմայիլ Դողանը հակազդել է Օրդու գավառի Մշակույթի և զբոսաշրջության հարցերով տնօրեն Էրքան Քյուլդենիայնբ խոսքերին, թե «Օրդուում վերականգնվելու են օսմանյան, հունական և հայկական ճարտարապետության առանձնահատկությունները կրող պատմական տները»:
Համաձայն թուրքական «Հյուրիյեթ» թերթի` թուրք դոկտորը մասնավորապես ասել է. «Վերանորոգեք Երևանի թուրքական տներից որևէ մեկը, որի ժամանակ էլ թերթի գլխագիր գրեք` «թուրքական տուն ենք վերանորոգում»: Տեսնենք, թե սա Հայաստանը թույլ կտա՞: Լավ, իսկ դուք ի՞նչ եք մտածում, երբ ասում եք, թե Օրդույում հայկական և հունական տներ ենք վերականգնում»:
Հիշեցնենք, որ Գյուլդերենը «Անադոլու» լրատվական գործակալության թղթակցին տված հարցազրույցում նշել էր, թե իրենք առանձնացրել են Թաշբաշը թաղամասում գտնվող պատմական տները և աշխատանքներ սկսել այդ տների վերականգնման ուղղությամբ:
Գյուլդերենը շեշտելով, որ առաջին փուլում աշխատանքներ են կատարվելու առանձնացված նման 23 տներ վերանորոգելու ուղղությամբ, ասել էր. «Օրդուում օսմանյան, հունական ու հայկական ճարտարապետությունների դրոշմը կրող պատմական տներից 23-ը բնօրինակին համապատասխան վերականգնվելու են` առաջին փուլի աշխատանքների շրջանակներում: Մեր առանձնացրած պատմական շենքերը 150-200 տարվա պատմություն ունեցող կառույցներ են»: