Ուրբաթ, 29.03.2024, 12:03
Ողջունում ենք Ձեզ Հյուր | RSS

Ջուռնալ



Գլխավոր » 2013 » Փետրվար » 14 » Ուենդի Էլլիոթն ու Հայաստանը
04:05
Ուենդի Էլլիոթն ու Հայաստանը
Ուենդի Էլլիոթ
Կանադացի գրողն իր նոր վեպի դեպքերի զարգացման վայր է ընտրել Հայաստանի Առաջին Հանրապետությունը եւ սպասում է հրատարակմանը Կանադացի գրող Ուենդի Էլլիոթի վեպը, որը վերնագրված է «Դանիել Սարգսյանի մութ հաղթանակը», պատմում է Դանիելի եւ իր տասը տարեկան քրոջ մասին, ովքեր իրենց հարազատներին, բարեկամներին եւ ընկերներին կորցնելուց հետո մազապուրծ են եղել ցեղասպանությունից: Այդ տառապանքների միջով անցնելուց հետո նրանք դեռ պետք է շատ փորձությունների դիմակայեն 1920-ականների Երեւանում: Երբ Դանիելը վերջապես աշխատանքի է ընդունվում հարուստ եւ ազդեցիկ Գագիկ Գասպարյանի մոտ, նա իրեն բախտավոր է զգում: Սակայն մի քանի օրերի ընթացքում նա պարզում է, որ Գագիկը եսասեր, բռնություն կիրառող եւ դաժան անձնավորություն է: Դեռ մեկ շաբաթ չանցած, Դանիելը հայտնվում է վտանգավոր իրավիճակում, որը զուգակցվում է խաբեություններով, հանցագործություններով, կաշառքով եւ ազգի դավաճանությամբ: Մի քանի ամիսների ընթացքում, անկախ իր կամքից, նա ներքաշվում է լրտեսության եւ մարդասպանության մեջ: Հայտնվելով Օսմանյան Կայսրության հետ մահացու պայքարի, Սովետական Բանակի, եւ նոր հանրապետության դեռեւս նոր ծիլ տված լավատեսության արանքում, Դանիելը գնում է ժամանակին ընդառաջ, որպեսզի պաշտպանի իր քրոջը, բացահայտի Գագիկի սատանայական մութ գործերը՝ փորձելով այդ ամենի արանքում պահպանել իր անաղարտությունը: Վեպը, որը հրապարակվելու է եւ՛ որպես տպագիր գիրք, եւ՛ որպես էլեկտրոնային գիրք անգլերեն եւ հայերեն լեզուներով, իր մեջ ներառում է Հայաստանի Առաջին Հանրապետության մայրաքաղաք Երեւանի պատմական եւ աշխարհաքաղաքական պատկերը, որը կարող է նորություն լինել նույնիսկ շատ հայերի համար: Այն նաեւ շատ հետաքրքիր պատմություն է, որը նկարագրում է, թե ինչպես են աշխարհաքաղաքական փոփոխությունները տեղի ունեցել տարածաշրջանում եւ թե ինչքան անօգնական էին փոքր ազգերը եւ երիտասարդները: Համաշխարհային գրականության մեջ Հայաստանի մասին վեպեր գրեթե չեն հանդիպում: Տիկին Էլլիոթը նախաձեռնել է մեկ ամսվա ընթացքում տեղի ունեցող ինտերնետային դրամահավաքի արշավ, որը տեւելու է մինչեւ 2013թ. մարտի 8-ը, եւ վեպի անվճար օրինակ է տրամադրում բոլոր նրանց, ովքեր իրենց ներդրումը կունենան այս գրքի հրատարակման հարցում: Իր ընկերները եւ ընտանիքի անդամներն արդեն նվիրաբերել են գրքի հրատարակման համար անհրաժեշտ գումարի 30%-ը, եւ նա հույս ունի, որ հայերը, հատկապես սփյուռքի հայերը, նույնպես ցանկություն կունենան, որ այս նովելը լույս տեսնի:


Աղբյուր` http://www.aravot.am/2013/02/13/196322/

Կատեգորիա: Գրականություն | Դիտումներ: 1592 | Ավելացրեց: admin | Տեգեր: վեպ, Ուենդի Էլլիոթ | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Փետրվար 2013  »
ԵրկԵրքՉրՀնգՈւրբՇբԿիր
    123
45678910
11121314151617
18192021222324
25262728

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0