Գլխավոր » 2011 » Հունիս » 28 »
Պարարվեստի «Բարեկամություն» անսամբլը համերգով կշնորհավորի իր ղեկավարի 70-ամյակը
18:36
Պարարվեստի «Բարեկամություն» անսամբլը համերգով կշնորհավորի իր ղեկավարի 70-ամյակը |
Հուլիսի 1-ին Ալ. Սպենդիարյանի անվան օպերայի և բալետի ազգային ակադեմիական թատրոնում տեղի կունենա վաստակավոր կոլեկտիվ Հայաստանի պարարվեստի «Բարեկամություն» պետական անսամբլի տոնական ելույթը` նվիրված անսամբլի գեղարվեստական ղեկավար, ՀՀ ժողովրդական արտիստ, Մովսես Խորենացու անվան շքանշանակիր Նորայր Մեհրաբյանի 70-ամյակին: Համերգին կմասնակցեն նաև Մյունխենից հրավիրված "Forceful Feelings” («Հզոր Զգացմունքներ») բալետային խումբը: Խումբը հուլիսի 2 –ին կունենա նաև Նորայր Մեհրաբյանի 70-ամյակին նվիրված մենահամերգ:
«Բարեկամություն» անսամբլը հիմնադրվել է 1987 թվականին այն ժամանակ դեռ ՀՀ վաստակավոր արտիստ Նորայր Մեհրաբյանի նախաձեռնությամբ:
Յուրաքանչյուր տարի «Բարեկամությունը» մասնակցում է միջպետական միջոցառումների` Հայաստանի օրեր տարբեր երկրներում, բարեգործական համերգներ, փառատոններ: Վերջին տարիներին համույթը մասնակցել է մի շարք կառավարական միջոցառումների, որոնց հանդիսավոր բացման և փակման արարողությունները բեմադրվել են Նորայր Մեհրաբյանի կողմից: Գեղարվեստական ղեկավար Նորայր Մեհրաբյանի և միշտ կատարելության ձգտող պրոֆեսիոնալ կազմի շնորհիվ 20 տարի շարունակ «Բարեկամությունը» եղել է Հայաստանում ստեղծագործական և համերգային ամենաակտիվ գործունեություն վարող կոլեկտիվներից: 2008թ-ին համույթն արժանացել է վաստակավոր կոլեկտիվի կոչման:
Աղբյուր`http://www.panarmenian.net/arm/news/73335/
|
Կատեգորիա: Պարարվեստ |
Դիտումներ: 945 |
Ավելացրեց: admin
| Ռեյտինգ: 0.0/0 |
Ընդամենը մեկնաբանություններ: 0 | |
|
|
|
Նյութեր ավելացնելու համար հարկավոր է գրանցվել: [ Գրանցվել | Մուտք ]
|