«Ակտուալ արվեստ» մշակութային միությունը, ՀԲ Քաղաքացիական հասարակության հիմնադրամի դրամաշնորհի միջոցներով, հայտարարում է մրցույթ «Իմ պատմությունը» խորագրով նվիրված աղետի գոտու հիմնահարցերին:
Մրցույթի առարկան մարդն է ու իր ճակատագիրը, ով արդեն 20 տարուց ավել ապրում է չլուծված խնդիրների կիզակետում: Մրցույթի նպատակն է վեր հանել մոռացության մատնված աղետի գոտու հիմնահարցերը, եւ հասարակական լայն քննարկումների միջոցով, ուշադրության կենտրոնում պահել դրանք:
Մրցույթը ներառում է. պլակատ (A4 ֆորմատով), ծաղրանկար (A4 ֆորմատով), կոմիքս (A4 ֆորմատով), անիմացիա, ֆլեշ-բացիկներ, բջջ. հեռախոսի ֆիլմեր, լուսանկար (A4 ֆորմատով) եւ այլ վիզուալ միջոցներ: Ողջունելի են նորարարական եւ ինքնատիպ լուծումները: Ընդունվում են նոր, չհրապարակված գործեր / ինտերնետում տեղադրված նյութերը ընդունելի են/: Աշխատանքները պետք է պարունակեն տվյալներ հեղինակի մասին (անուն- ազգանուն, կոնտակտային տվյալներ): Մրցույթին կարող են մասնակցել 16 եւ բարձր տարիքի անձինք: Լավագույն աշխատանքները կցուցադրվեն Գյումրիի ու Երեւանի ցուցահանդեսներում, կհրատարակվեն կատալոգում, օն-լայն եւ տպագիր մամուլում: Ցուցահանդեսի մասնակիցներին կտրվեն վկայականներ:
Ծրագրի շրջանակներում Գյումրիում եւ Երեւանում ցանկացողների համար կանցկացվեն կոմիքսի վարպետության դասեր դանիացի առաջատար մասնագետների կողմից, որոնք կդասավանդեն կոմիկս ստեղծելու ձեւերը. սցենարի մշակում եւ կադրավորում, պերսոնաժի ձեւավորում ու զարգացում, դրամատուրգիա եւ ստեղծագործական մեթոդ:
Դասերը կանցկացվեն օգոստոսի 11 եւ 12-ին Գյումրիում (օրական 6 ժամ տեւողությամբ) եւ օգոստոսի 15,16, 17-ին Երեւանում, (օրական 4 ժամ տեւողությամբ):
Վարպետության դասընթացին մասնակցությունը մրցութային է: Անհրաժեշտ է ներկայացնել «Իմ պատմությունը» խորագրով սցենարի կարճ բովանդակություն-սինոպսիս ( առավելագույնը 15 տող 12 տառաչափով) եւ սեփական աշխատանքներից մի օրինակ JPEG ֆորմատով aeditors@yandex.ru հասցեով:
Մրցույթին կարող են մասնակցել 16 եւ բարձր տարիքի անձինք, ինչպես նաեւ սցենարիստ-նկարիչ ստեղծագործական խմբեր:
Շրջանավարտներին կտրվեն վկայականներ:
Աղբյուր`http://news.am/arm/news/68421.html
|