Ուրբաթ, 29.03.2024, 18:12
Ողջունում ենք Ձեզ Հյուր | RSS

Ջուռնալ



Գլխավոր » 2011 » Հունիս » 17 » «Քեզ համար, Ճապոնիա»
15:40
«Քեզ համար, Ճապոնիա»
օրիգամի
Երեւանում այսօր` հունիսի 17-ին ճապոնական օրիգամիների մեկօրյա ցուցահանդես վաճառք կկազմակերպվի: Այն կազմակերպել է «Խիկարի» հասարակական կազմակերպությունը, որը տեղի կունենա Երեւանի պատմության թանգարանում: Էքսպոնատների վաճառքից ստացվող ողջ հասույթը կտրամադրվի Ճապոնիայի դեսպանատանը եւ հետագայում կուղղվի այդ երկրում տեղի ունեցած աղետից տուժած որեւէ մանկական հաստատության վերանորոգմանը:

Ցուցահանդեսին կներկայացվեն մի քանի հարյուր օրիգամիներ` զվարճալի մկնիկներ, վառ գույներով ձկներ եւ թիթեռնիկներ, հովհարներ, հովանոցներ, տիկնիկներ եւ կախարդական գնդակներ` կուսուդամաներ,. Որոնք պատրաստվել են «Խիկարի» ՀԿ-ի մասնակիցների ձեռքով, ընդ որում, մեծ մասը` երեխաների ձեռքով:

ՀԿ-ի ղեկավար Կարինե Փիլիպոսյանն ընդգծել է, որ բոլոր աշխատանքները արված են սիրով եւ, ամենակարեւորը, դրան մասնակցել են երեխաները:

Իր հերթին, ԱԳՆ Ասիայի, Օվկիանիայի եւ Աֆրիկայի վարչության պետ, դեսպան Աշոտ Ոսկանյանը հիշեցրել է 1988-ին Ճապոնիայի օգնությունը Սպիտակի երկրաշարժից տուժածներին: Նրա խոսքով, վերջին 20 տարում Ճապոնիայի կառավարությունը ավելի քան 300 մլն դոլարի վարկ եւ ավելի քան 65 մլն դոլարի դրամաշնորհ է հատկացրել Հայաստանին:

«Մենք հիշում եւ շնորհակալ ենք Ճապոնիային»,- ասել է Ոսկանյանը, հավելելով, որ այսօրվա ակցիան, թեեւ չի կարող շատ մեծ գումարներ հավաքել, սակայն կհաղորդի մեր հոգեւոր ջերմությունը:

Միջոցառման շրջանակներում կայացել է «Վերածնվիր, Ճապոնիա» երգի շնորհանդեսը: Երգը կատարել է Շուշան Սարգսյանը, խոսքերը` Իննա Մկրտչյանի:


Աղբյուր`http://news.am/arm/news/63630.html

Կատեգորիա: Միջոցառումներ | Դիտումներ: 1316 | Ավելացրեց: admin | Ռեյտինգ: 0.0/0
Ընդամենը մեկնաբանություններ: 0
Նյութեր ավելացնելու համար հարկավոր է գրանցվել:
[ Գրանցվել | Մուտք ]

Website translator

Գլխավոր մենյու

Եղանակ և Ժամ

Ancient Armenian Calendar

Ռադիո

Որոնում

Օրացույց

«  Հունիս 2011  »
ԵրկԵրքՉրՀնգՈւրբՇբԿիր
  12345
6789101112
13141516171819
20212223242526
27282930

Վիճակագրություն



Ancient Armenian Calendar


Օնլայն: 1
Հյուրեր: 1
Օգտվողներ: 0